Pasaia III - Pasaiako udala
Pasaia III - Pasaiako udala
Pasaia III - Pasaiako udala
Create successful ePaper yourself
Turn your PDF publications into a flip-book with our unique Google optimized e-Paper software.
Aurkezpena<br />
Atzeak erakusten du aurrea nola dantzatu<br />
Esaera zaharrak dioenez, ‘atzeak erakusten du aurrea nola dantzatu’. Eskaintza hori egin digu lan honetan Xabier<br />
Portugalek. Benetan eskertzeko moduko eskaintza gainera. Gure herriaren historiaren jakitun izateak, gaur egungo<br />
<strong>Pasaia</strong> hobeto ulertzeko balio duela uste dut, igarotakoa ezagutzeak etorkizuna argiago ikusten laguntzen duelako.<br />
Kontakizun latzak agertzen dira eskuartean duzun liburu honetan. Pasa den mendeko 30. hamarkadan <strong>Pasaia</strong>k izan<br />
zuen bilakaera ageri da. Tartean Espainiako II. Errepublika eta indar faxisten altxamendua gertatu ziren. Tamalez pasaitar<br />
askok galdu zuen bizia urte haietan, eta biziraun zutenek gorriak ikusi zituzten.<br />
Garai hura bizi ez genuenok ezer gutxi dakigu gure herrian gertatutakoaz. Hura bizi izan zuten senideek beldurra<br />
hezurretaraino zuten sartua, eta oraindik ere ezer gutxi kontatzen dute garai ilun haietaz. Beldurrak, tamalez, indarrean<br />
dirau.<br />
Horregatik Xabierrek egindako bilketa lanak: testigantzak, prentsa artikuluak, eta artxiboetako dokumentuak, besteak<br />
beste, gure herriaren memoria berreskuratzeko balioko dio nahi duen orori.<br />
Modu atsegin batean, kronologikoki, pasaitarren izaera azaltzen digu egileak. Herriko industriaren garapena, arrantzaren<br />
bilakaera, alderdi politiko eta sindikatuen lana, eta, baita egun haietako kultur mugimenduaren jarduna ere.<br />
1931ean, itsas gizonek egindako greba baten ondorioz, Guardia Zibilak zazpi pasaitar erail zituela jakingo duzu.<br />
Hamarkada hartako hauteskundeetako emaitzak ezagutuko dituzu Francoren tropen altxamendua gertatu arte. <strong>Pasaia</strong><br />
ezkertiarra eta errepublikazalea izan zela jakingo duzu. Altxamenduak, ordea, 36ko gerra ekarri zuen eta pasaitarrek<br />
ederki sufritu zuten. Gerraren ondorioz hildako eta fusilatutako herritarren zerrenda luzea da. Luzeegia.<br />
Xabierrek lan honetan ‘galdutako’ orduak eskertu behar ditut. Ez dut nik deskubrituko zein den Xabier Portugal. Gure<br />
herria maitatzen duen antxotarra da, eta maitasun horrek herriaren alde lan eskerga egitera bultzatzen du. Jarrai dezala<br />
kulturan, hezkuntzan eta herriaren historiaren berreskurapenean lanean. Bidelagun izango gara.<br />
Azkenik, zuri irakurle, Xabierren etxeko sukaldean, su motelean, prestatutako jaki goxo baten gisa idatzitako liburu<br />
hau gozatzeko eskaintza egiten dizut. Nik ederki gozatu dut orri bakoitzean topatu ditudan zapore guztiekin. On egin!<br />
Maider Ziganda<br />
<strong>Pasaia</strong>ko alkatea