Pasaia III - Pasaiako udala

78 I
I
RIZPIDEAK ADOSTU ETA FRENTE POPULAR-A OSATZEKO AHALEginak
1936ko urtarrilaren 15ean amaitu ziren, ezkerreko
alderdi guztiek hitzarmena sinatu zutenean.
Hiru izan ziren 1936ko Gorteetarako diputatuak
aukeratzeko egin ziren hauteskundeetara azaldu ziren bloke
handiak Gipuzkoan.
Alde batetik, Frente Contrarrevolucionario izenekoa, eskuindarra,
tradizionalistek, erregezaleek eta CEDAkoek osatua.
Bestetik, Frente Popular izenekoa, errepublikazaleek, sozialistek,
komunistek eta ANVkoek osatua.
Azkenik, Estatuan ageri ez zen beste bloke bat geneukan
Euskadin, EAJ-PNV.
Hauteskundeen lehen bozkatzea otsailaren 16an egin zen,
eta ezein hautagaitzak ez zuenez beharrezkoak ziren botoen
%40a eskuratu, bigarren itzuli edo bozkatzea deitu zen martxoaren
aurrenerako. Oraingo honetan bi izan ziren hautagaitzak:
batetik Frente Popular izenekoa, eta bestetik EAJ-PNV.
Gipuzkoako emaitzen arabera, honako hautagaiek eskuratu
zuten Gorteetarako diputatu agindua: EAJ-PNVtik Jose Mª
Lasarte, Rafael Picabea, Manuel Irujo eta Juan Antonio Irazusta;
eta Frente Popular aldetik Mariano Anso eta Miguel Amilibia.
Aipatzekoa da probintzia osoa hartuta EAJ-PNV izan zela
alderdirik bozkatuena, Frente Popular blokea garaile izan bazen
ere Eibar, Irun, Beasain, Hernani, Pasaia eta Donostian. Pasaiari
dagokionez, bi ondorio atera litezke emaitza hauetatik: alde
batetik, Pasaian erabatekoa izan zela Frente Popular blokearen
garaipena, bi bozkatzeetan. Garaipen honetan izan zuen zerikusia
ordura arte hauteskundeei ideologiaz uko egiten zien CNTren
azken orduko laguntzak. Beste alde batetik, bigarren itzulian
bazter geratu zen Frente Contrarrevolucionario izenekoaren
botoek, eskuinekoak izaki, EAJ-PNVrenak gizendu zituztela.