Gjuha shqipe 5 - Albas

�Rubrika: Lexim
Tema: Ngjyrat
Libër mësuesi
�Objektivat pedagogjikë: Në fund të orës së mësimit nxënësi të jetë i aftë:
• Të lexojë vjershën me intonacion.
• Të dallojë strofat dhe vargjet në vjershën e dhënë.
• Të nxjerrë mesazhin e barazisë midis njerëzve duke iu përgjigjur pyetjeve.
• Të dallojë fi gurën e krahasimit në vjershën e dhënë duke u ndihmuar nga
pjesëza si.
�Mjete: teksti i nxënësit.
�Fjalë kyç: ngjyra, lëkurë, zemër.
�Metodologjia: mendo-argumento, të nxënit në bashkëpunim.
Zhvillimi i mësimit
�Evokimi: mendo-argumento.
- Ku ndryshojnë njerëzit nga njëri-tjetri?
- Po ngjyrat e natyrës si janë?
- E imagjinoni natyrën vetëm me një ngjyrë? Si do të na dukej ajo?
- Po botën e imagjinoni vetëm me njerëz që janë njësoj në tipare? Si do të
dukej ajo?
�Realizimi i kuptimit.
Mësuesi/ja i orienton nxënësit të lexojnë poezinë në heshtje. Më pas bëhet leximi
i vjershës. Leximi vjen zinxhir, në vargun e fundit të strofës së parë dhe të dytë
nxënësit udhëzohen ta lexojnë të gjithë bashkë.
Të nxënit në bashkëpunim
� Grupi I: Pse poeti i quan të rëndësishme të gjitha ngjyrat? A mund të ekzistojë
ylberi pa të gjitha ngjyrat?
� Grupi II. Poeti përveç qëllimit të vlerësojë ngjyrat, kërkon të vlerësojë të gjithë
njerëzit, pavarësisht ngjyrës dhe racave të tyre. Nxirr mesazhin me një fjali.
� Njerëzit janë të gjithë njësoj, pavarësisht ngjyrës së lëkurës.
Shkruajeni në një fl etë të bardhë dhe lexojeni në grup para shokëve.
� Grupi III: Çfarë cilësish ka një njeri, për të cilin themi se e ka zemrën të zezë
dhe njeriu, për të cilin themi e ka zemrën e bardhë.
Nxënësit duhet të përzgjedhin dhe të argumentojnë përzgjedhjet e tyre.
� Grupi IV: Në poezi poeti krahason ngjyrat e lëkurës me dukuritë e natyrës.
Përshkruani duke përdorur fi gurën e krahasimit si e përfytyroni ju çdo ngjyrë
duke e lidhur me dukuritë e natyrës.
�Refl ektimi:
Mblidhuni në rrathë dhe recitojeni vjershën bashkuar dorë për dore.
11