Árbók Háskóla Íslands 1999 - Háskóli Íslands

Jaberg, vinnur að rannsóknum sínum á RMA og hátternisfræðideild háskólans í
Neuchatel í Sviss. Fjórir aðrir starfsmenn störfuðu við stofnunina á árinu launaðir
af Nýsköpunarsjóði námsmanna og Tækniþróun hf.
Erlent rannsóknasamstarf
Rannsóknastarf á RMA fer fram í nánum tengslum við rannsóknastofnanir á sviði
sálarfræði, hátternisfræði og geðlæknisfræði við erlenda háskóla, m.a. á grundvelli
formlegra háskólasamninga við sex evrópska háskóla. Langmest samstarf
er við sálarfræðideildina í Université René Descartes Paris V – Sorbonne sem
einnig er CNRS-rannsóknastofa um samskipta- og hugfræði, en hinir háskólarnir
sem um er að ræða eru Université Paris-Nord í Frakklandi, Université de Lausanne
í Sviss og Universitat de Barcelona, Universitat Rovira i Virgili og Universitat
LaRioja á Spáni. Einnig er um langvarandi samstarf að ræða við mannfræðistofnunina
á Musée de l’Homme, Museum National d’Histoire Naturelle í París, sálfræðideild
University of Chicago og hátternisfræðideild Vínarháskóla. Vaxandi
samstarf er einnig við háskólageðsjúkrahúsið í Utrecht í Hollandi.
Á sviði íþróttarannsókna er um síaukið samstarf að ræða við John Moors University
í Liverpool og háskóladeildina um aðferðafræði atferlisvísinda við Barcelonaháskóla.
Innlent samstarf
Helsti innlendi samstarfsaðili RMA til margra ára er Greiningarstöð ríkisins í
Kópavogi en þar stunda Tryggvi Sigurðsson, yfirsálfræðingur, og samstarfsfólk
hans rannsóknir á samskiptahegðun fatlaðra barna og foreldra þeirra, m.a. með
aðferðum sem hafa verið þróaðar á RMA og í tengslum við Parísarháskóla. Einnig
er um samstarf að ræða við fyrirtækið Flögu hf. um greiningu á lífeðlisfræðilegum
gögnum og við Veðurstofu Íslands um leit að tímamynstrum í jarðskjálftagögnum.
Útgefnar greinar eða bókarkaflar á árinu
• Beaudichon, J.; Sigurdsson, T.; Tardif, C. og Magnusson, M.S. (1999). Communication
et construction collaborative des savoir: une approch comparative.
Développement et fonctionnement cognitif: Vers une intégration. G. Netchine-
Grynberg. París, Press Universitaires de France: 244.
• Magnusson, M. S. (2000). Discovering Hidden Time Patterns in Behavior: T-
Patterns and their Detection. Behavior Research Methods, Intruments and
Computers 32(1):93–110. (Samþykkt til birtingar 1999).
Fyrirlestrar
• Magnús S. Magnússon. Fyrirlestur á ráðstefnunni „Sign Processes in Complex
Systems: 7th International Congress of the IASS-AIS International Association
for Semiotic Studies“ við tækniháskólann í Dresden, 6.–11. október 1999.
• Guðberg K. Jónsson: Fyrirlestur um íþróttarannsóknir með Theme-hugbúnaðinum
og margmiðlunarkynning á fundi EU CORE-NET í Reykjavík í september
1999.
B.A.-nemendur
Árið 1999 unnu sex sálarfræðinemendur við H.Í. að B.A.-verkefnum sínum við
RMA undir leiðsögn Magnúsar S. Magnússonar. Tveir luku á árinu.
Verðlaun og stofnun fyrirtækis
Guðberg K. Jónsson, starfsmaður stofnunarinnar, hlaut fyrstu verðlaun í samkeppninni
„Upp úr skúffunum“ sem Rannsóknaþjónusta H.Í. og Nýsköpunarsjóður
atvinnulífsins standa fyrir. Hugmynd Guðbergs er að nýta Theme-hugbúnaðinn til
íþróttarannsókna. Í framhaldi af því hefur verið stofnað nýtt fyrirtæki, SportScope,
með þátttöku Tækniþróunar hf. sem er aðaleigandi. Guðberg er meðeigandi þess
og framkvæmdastjóri meðfram starfi sínu við RMA.
Kennsluefni
Á árinu var lokið við tveggja ára verkefni um gerð geisladisks (á ensku, spænsku
og frönsku) um skoðun og greiningu atferlis. Þetta er samstarfsverkefni milli University
of Liverpool, háskólans í Barcelone, H.Í. og hollenska fyrirtækisins Noldus
Information Technologies, Ltd. (sem er sérhæft í gerð hugbúnaðar til atferlisrannsókna).
David W. Dickins, sálfræðideild University of Liverpool er aðalhöfundur, en Magnús
S. Magnússon er vísindalegur ráðgjafi, meðhöfundur og leggur til Theme-hugbúnaðinn
(nemendaútgáfu). Nú er stefnt að útgáfu þessa geisladisks.
113