Ãrbók Háskóla Ãslands 1999 - Háskóli Ãslands
Ãrbók Háskóla Ãslands 1999 - Háskóli Ãslands
Ãrbók Háskóla Ãslands 1999 - Háskóli Ãslands
Create successful ePaper yourself
Turn your PDF publications into a flip-book with our unique Google optimized e-Paper software.
fyrir aukinni menntun kvenna svo að konur geti orðið sjálfstæðari í einkalífi og<br />
áhrifameiri í þjóðlífinu.<br />
Heilræðið sem ég vil gefa ykkur hér er þetta: Lítið á prófgráðu ykkar sem áfanga<br />
á þroskabraut sem gerir ykkur kleift að gefa meira af sjálfum ykkur í einkalífi og<br />
þjóðlífi, ekki síður en í starfslífi ykkar. Eiginleg menntun á að fela í sér þroska til<br />
að taka æ dýpri og víðari þátt í undrum tilverunnar sem við erum vitni að á hverjum<br />
degi.<br />
Auðmýkt<br />
Hér kem ég að síðasta atriðinu sem mig langar til að gera að umtalsefni og tengist<br />
beint því sem ég hef áður nefnt. Í þetta sinn skal ég nefna heilræðið strax:<br />
Hreykið ykkur aldrei af prófgráðum ykkar eða háskólanámi. Þið megið sannarlega<br />
vera stolt og ánægð yfir því sem þið hafið vel gert, en þegar ykkur tekst vel<br />
skuluð þið líka muna að það er mörgu öðru og öðrum að þakka en einungis ykkur<br />
sjálfum. Þekkingin á að kenna okkur auðmýkt og þakklæti gagnvart þeim öflum<br />
sem hafa líf okkar allt í hendi sér. En því miður sést okkur alltof oft yfir takmarkanir<br />
okkar og smæð og teljum okkur sjálf uppsprettu allra gæða. Í merku<br />
miðaldariti um dygðir og lesti stendur: „Fyrir þær sakir er ofmetnaður hverjum<br />
lesti verri, því að hann gerist oft af góðum verkum, þá er maður drambar í góðum<br />
verkum sínum og glatar því fyrir ofmetnað er hann hafði eignast fyrir ást. Allra<br />
lasta verstur er ofmetnaður, þá er maður prýðist í kröftum og tekur að dramba í<br />
þeim.“<br />
Ég skal nefna dæmi um þetta. Háskólanám – eins og raunar margs konar iðnnám<br />
– veitir fólki yfirleitt sérþekkingu í tilteknum greinum og þar með vissa yfirburði<br />
umfram þá sem ekki hafa slíkt nám að baki. Af ástæðum sem ég kann ekki<br />
fyllilega að skýra virðist mér sú skoðun vera furðu algeng meðal Íslendinga að<br />
háskólafólk sé í meiri hættu en aðrir að ofmetnast og telja sérstöðu sína, yfirburði<br />
eða sérréttindi vera svo merkileg að það hljóti sjálft að njóta virðingar og viðurkenningar<br />
umfram annað fólk. Þess vegna hljómar það ekki alltaf sem lofsyrði að<br />
segja um einhvern að hann sé „menntamaður“, þótt allir séu sammála um að<br />
menntun sé eftirsóknarverð. Hér blasir við umhugsunarverð þverstæða. Annars<br />
vegar hvetja foreldrar og uppalendur börn sín óspart til mennta en hins vegar er<br />
þetta sama fólk iðulega á varðbergi gagnvart þeim sem eiga langt háskólanám að<br />
baki og finnst það jafnvel vera yfir sig hafið. Hvernig á að skýra þetta?<br />
Seiðmagn þekkingarinnar<br />
Tilgáta mín er sú að þetta eigi sér rætur í þeirri ævafornu trú að þekkingin færi<br />
okkur nær æðri sviðum tilverunnar og komi okkur að endingu í tengsl við uppsprettur<br />
allrar visku og dýrðar. Hvern dreymir ekki um að komast þangað? Og<br />
hver óttast ekki þau ósýnilegu og óskiljanlegu öfl sem þar kunna að leynast – og<br />
einnig þá sem hafa snert þau með huga sínum? Hver hvetur samt ekki börn sín<br />
til að halda á vit viskunnar, þangað sem hann sjálfur hefur þráð að komast?<br />
Að skilja þá undrakrafta sem halda veröldinni saman, þau lögmál sem veruleikinn<br />
lýtur, er vafalaust eitt æðsta markmið mannsandans. Háskólar eru meðal<br />
annars til þess að gera okkur mannfólkinu kleift að stefna skipulega að þessu<br />
marki sem þó er tæpast á mannlegu valdi að ná. Háskólagráður staðfesta að þið,<br />
kandídatar góðir, hafið sannað hæfni ykkar til að taka þátt í skipulagðri og um leið<br />
óendanlegri þekkingarleit mannsandans. Prófgráðan á að veita ykkur þá vissu að<br />
þið hafið náð valdi á hugmyndum, kenningum og aðferðum sem duga ykkur til að<br />
standa á eigin fótum andspænis nýjum og óvæntum viðfangsefnum. En gleymið<br />
því aldrei að bilið á milli heilbrigðs sjálfstrausts og hrokafullrar sjálfumgleði getur<br />
á köflum orðið hverfandi lítið. Verið því aldrei of viss í ykkar sök. Spyrjið, leitið og<br />
þakkið. Þá mun ykkur farnast vel.<br />
Háskóli Íslands þakkar ykkur samfylgdina og vonar að hann eigi eftir að njóta<br />
vináttu ykkar og stuðnings um ókomin ár.<br />
156