Árbók Háskóla Íslands 1999 - Háskóli Íslands

Eirberg
Stækkaðar voru skrifstofur á efri hæð Eirbergs, gólfefni endurnýjuð og málað.
Auk þess var fleira smálegt lagað og málað. Áætlaðar eru talsverðar framkvæmdir
í húsinu árið 2000.
Aðalbygging
Í Aðalbyggingu var lokið smíði á salerni fyrir fatlaða á fyrstu hæð. Endursmíðuð
var aðstaða fyrir ljósritun og póstflokkun á fyrstu hæð. Bætt var við geymslu fyrir
Háskólaútgáfuna í kjallara. Tveir stigagangar voru teknir rækilega í gegn og málaðir,
einnig nokkrar kennslustofur, auk þess sem allt rafmagn var endurnýjað í
þeim. Hafin var endurnýjun á innviðum í hátíðasal um mitt sumar en síðar var
henni frestað til áramóta 1999–2000. Breytingar voru gerðar á aðalskrifstofu samskiptasviðs
og útbúnar dyr á herbergi á sviðinu. Sett var rafmagnsopnun á aðaldyr.
Læknagarður
Unnið hefur verið að undirbúningi á smið innréttinga á fyrstu hæð Læknagarðs.
Talsverð töf hefur orðið á að framkvæmdir hæfust vegna óska um breytingar á
fyrri hugmyndum. Það leiddi af sér nokkra endurgerð teikninga. Talsverðar bilanir
hafa orðið í loftræstikerfi á rishæð og hafa þær reynst bæði kostnaðarsamar og
seinunnar. Einnig urðu miklar bilanir í kælipressu og loftdælu í kjallararými. Þá
var unnið að viðgerðum vegna lekaskemmda í húsinu.
VR I
Lokið var við endurbyggingu á rannsóknastofu í VR I sem skemmdist í bruna
1998.
VR II
Í kennslustofu 157 og 158 í VR II voru öll borð spónlögð að nýju, einnig kennaraborð
í bókasafni. Settar voru stýfingar á bókahillur vegna fallhættu af hugsanlegum
jarðskjálfta.
Nýi-Garður
Keyptur var húsbúnaður fyrir efstu tvær hæðirnar í Nýja-Garði og honum komið
fyrir. Einnig voru settar upp kaffistofur á sömu hæðum.
Lögberg
Loftræsting hefur lengi verið vandamál í Lögbergi þannig að ákveðið var að setja
upp litlar blásarasamstæður í átta herbergi til reynslu. Árangurinn varð vonum
framar og er reiknað með að settar verði upp fleiri blásarar í sumar. Lagfæringar
voru gerðar á stólum í stofu 101. Settir voru upp lagnastokkar á nokkrum stöðum
til að auka tengimöguleika inn á net Reiknistofnunar H.Í.
Árnagarður
Í tveimur kennslustofum og þremur skrifstofum í Árnagarði voru korkgólf slípuð
og lökkuð. Stigagangur í suðvesturhorni var sprunguskrapaður, spartlaður og
málaður. Tvær skrifstofur voru einnig almálaðar.
Oddi
Settir voru upp lagnastokkar inn í skilrúmsrými á efstu hæð Odda fyrir síma-,
tölvu- og rafmagnslagnir. Enn fremur var bætt við húsbúnaði á hæðina. Sett voru
upp skilrúm milli borða með hillum. Í stofu 101 voru stólar lagfærðir og í tölvustofu
102 voru fræstar í gólfið nýjar rafmagns- og tölvulagnir fyrir tölvuborðin og
síðan steypt í raufarnar, korklagt, slípað og lakkað. Þegar Félagsvísindastofnun
flutti út úr Odda var aðstaðan sem hún hafði haft tekin í gegn, gólf lökkuð og
veggir málaðir.
Raunvísindastofnun
Á trésmíðaverkstæðinu voru smíðaðar nýjar innréttingar í tvær rannsóknastofur
Raunvísindastofnunar. Einnig voru loft og gólf lagfærð og loks málað.
Garðyrkjumál
Ásamt hefðbundnum garðyrkjustörfum sá garðyrkjudeildin t.d. um lagningu
nýrra gangstíga og lóðarfrágang við VR III, frágang lóðar við gömlu loftskeytastöðina,
og frágang lóðanna við Aragötu 9 og Aragötu 14.
35