Árbók Háskóla Íslands 1999 - Háskóli Íslands

Í tengslum við tölvuátak stúdenta Háskólans færði fyrirtækið Magnús Kjaran
verkfræðideild Minolta geislalitaprentara og er því þökkuð höfðingleg gjöf.
Rannsóknir í verkfræðideild
Sjá kafla Verkfræðistofnunar í þessu riti.
Viðskipta- og
hagfræðideild
Kennsla
Aðsókn að námi í viðskipta- og hagfræðideild jókst stórum haustið 1999 þegar
nemendur urðu fleiri en 1100 en áður hefur fjöldi þeirra aldrei farið yfir 1000.
Nemendur á fyrsta ári voru um 550 og eru þá ótaldir ríflega 100 nemendur sem
sóttu námskeið í deildinni í svonefndu diplóma-námi sem hófst um haustið.
Í báðum skorum er nú boðið upp á 90 eininga B.S.-nám sem tekur þrjú ár, og
M.S.-nám sem er 45 einingar til viðbótar. Í hagfræðiskor er í boði 90 eininga B.A.-
nám þar sem samsetning námskeiða til prófs er frjálsari en í B.S.-námi og í viðskiptaskor
er enn í boði cand.oecon.-gráða sem er 120 einingar eða fjögurra ára
nám. Bætt var við fjármálasviði í M.S.-námi í viðskiptaskor og M.S.-nám hófst við
skólann í umhverfisfræðum sem deildin á aðild að. Undirbúningur hófst að MBAnámi
og doktorsnámi.
Viðskipta- og hagfræðideild 1995 1996 1997 1998 1999
Skráðir stúdentar 608 635 802 846 1.168
Brautskráðir
B.S./B.A.econ.-próf 14 13 26 56 91
M.S.econ.-próf 5 2 5 7 9
Cand.oecon.-próf 105 80 69 70 46
Kennarastörf 19,87 18,97 20,60 20 20,5
Aðrir starfsmenn 2 2 8,64* 7,9* 9,25*
Stundakennsla/stundir 19.000
Útgjöld (nettó) í þús. kr. 71.219 84.804 102.743 111.979 140.197
Fjárveiting í þús. kr. 71.250 77.147 82.389 104.517 125.764
* Hagfræðistofnun meðtalin.
Tölur um skráða stúdenta miðast við janúar árið eftir, þ.e. mitt námsárið.
Í meistaranámi í hagfræði, sem fer fram á ensku, voru 12 nýir nemendur. Þar af
voru fjórir styrkþegar á vegum EFTA, tveir frá Albaníu og tveir frá Makedóníu.
62 nýir nemendur stunduðu meistaranám í viðskiptafræði. Samstarfssamningur
er milli deildarinnar og Háskólans í Árósum um að þessir nemendur geti stundað
þar nám á vissum sviðum. Einnig hafa nemendur sótt hluta námsins til nokkurra
annarra erlendra skóla.
Nokkrar breytingar urðu á kennaraliði deildarinnar. Prófessor Ágúst Einarsson
snéri aftur til starfa 1. september. Haukur C. Benediktsson var ráðinn lektor í viðskiptaskor
1. ágúst. Agnar Hansson sagði lektorsstarfi sínu lausu frá og með 15.
júní.
Samningar, húsnæði og tölvur
Í nóvember var undirritaður samstarfssamningur við Háskólann í Skopje í Makedóníu,
en forseti viðskipta- og hagfræðideildar þess skóla, prófessor Bobek Suklev,
kom hingað af því tilefni.
Hin mikla en ánægjulega fjölgun sem varð í deildinni olli nokkrum húsnæðisvandræðum.
Kenna þurfti námskeið á fyrsta ári í stórum hópum og deildin hefur
vart undan að auka tölvukost og bæta aðstöðu nemenda. Tölvu- og upplýsinga-
72