Árbók Háskóla Íslands 1999 - Háskóli Íslands

Kennslumál, stúdentar,
brautskráningar
Helsta verkefni kennslusviðs er að annast sameiginleg mál Háskólans er varða
kennslu, próf, skráningu stúdenta, kennsluhúsnæði og búnað. Þar er jafnframt
starfrækt Háskólaútgáfa, Tungumálamiðstöð og Námsráðgjöf sem sérstakar
deildir. Enn fremur er unnið að undirbúningi þess að stofna sérstaka kennslumiðstöð
til að annast verkefni tengd fjarkennslu og gæðaeftirliti með kennslu.
Háskólaárið telst frá 5. september til jafnlengdar næsta ár og skiptist kennsluárið
í tvö misseri, haustmisseri sem lýkur 21. desember og vormisseri sem lýkur 26.
maí. Nýskráning fer fram í lok maí og byrjun júní ár hvert og einnig er tekið við
skráningarbeiðnum í byrjun janúar. Þrjár brautskráningar kandídata tilheyra
hverju háskólaári, í febrúar, júní og í október.
Kennsluskrá, nemendaskrá, námskeið og próf
Í Kennsluskrá Háskólans eru tilgreind öll námskeið sem kennd eru við skólann
og skipulag námsins. Lýsingar námskeiða eru aðgengilegar á netslóðinni
www.hi.is/nam/namsk. Samtals eru á skrá um 1.500 námskeið (ýmist kennd
námskeið, verkefni eða ritgerðir) í deildunum níu og þremur námsbrautum
læknadeildar. Skipulagðar námsleiðir í grunnnámi til fyrsta háskólaprófs eru 57,
til meistaraprófs 47 og 7 til doktorsprófs. Auk þess er boðið upp á starfsmiðað
nám að lokinni fyrstu háskólagráðu á 16 námsleiðum. Haustið 1999 var í fyrsta
skipti boðið upp á 12 stuttar hagnýtar námsleiðir sem lýkur með sjálfstæðu prófi,
diplóma. Náin samvinna er um erlend samskipti við Alþjóðaskrifstofu háskólastigsins
og á milli kennslusviðs, kennslumálanefndar, vísindanefndar og alþjóðasamskiptaráðs.
Nemendaskrá Háskólans er sá grunnur sem skipulag háskólastarfsins byggist á,
s.s. stundaskrár, skipan í stofur og bókakaup Bóksölu stúdenta. Þar fer fram
nýskráning, árleg skráning í námskeið og próf, innheimta skráningargjalds, varðveisla
einkunna og úthlutun notendanafna vegna notkunar búnaðar í tölvuverum
Reiknistofnunar Háskólans. Skrifstofur deilda og námsbrauta eru tengdar tölvukerfi
Nemendaskrárinnar beint með tilteknum aðgangsmöguleikum, auk þess
sem nemendaskrárkerfið er beinlínutengt tölvukerfi LÍN.
Á árinu 1999 voru haldin 1.315 skrifleg próf (í 911 námskeiðum) á þremur próftímabilum
með samtals 29.723 einstökum skriflegum próftökum.
Fjöldi stúdenta og brautskráning
Á töflu 1 er yfirlit yfir fjölda stúdenta við Háskóla Íslands háskólaárið 1998–1999.
Brautskráðir voru samtals 937, þar af luku 68 meistaraprófi. Tvær doktorsvarnir
Tafla 1 – Fjöldi stúdenta háskólaárið 1998–1999 og brautskráðir á háskólaárinu 1998–1999.
Tölur um skráða stúdenta (nemendur alls) eru frá janúar 1999.
1998–199 Nemendur alls Brautskráðir Viðbótarnám (lokið)
Karlar Konur Alls Karlar Konur Alls Karlar Konur Alls
Guðfræðideild 45 78 123 9 11 20 4 4
Læknisfræði 177 165 342 29 17 46
Lyfjafræði 22 58 80 6 6 12
Hjúkrunarfræði 3 534 537 0 92 92 6 6
Sjúkraþjálfun 42 58 100 8 8 16
Lagadeild 221 198 419 47 33 80
Viðsk.- og hagfrd. 477 369 846 87 60 147
Heimspekideild 397 774 1171 42 116 158 2 2
Tannlæknadeild 28 13 41 3 4 7
Verkfræðideild 269 58 327 42 9 51
Raunvísindadeild 431 352 783 71 65 136 3 3
Félagsvísindadeild 282 836 1118 42 130 172 14 76 90
Samtals: 2394 3493 5887 386 551 937 17 88 105
13