Árbók Háskóla Íslands 1999 - Háskóli Íslands

irtu starfsmenn greinar af fræðasviðum sínum í bókum og tímaritum sem birtust
bæði hér heima og erlendis, og Guðrún Nordal fræðimaður gaf út bókina Ethics
and action in thirteenth century Iceland hjá Odense University Press (á titilblaði
stendur 1998). Bókin fjallar um Sturlunga sögu og er byggð á doktorsritgerð
Guðrúnar við Oxfordháskóla.
Á haustmánuðum unnu starfsmenn saman að stefnumótun fyrir stofnunina, og
var gengið frá skjali sem nefnist „Stofnun Árna Magnússonar – Stefnumótun við
aldamót“. Er þar fjallað um markmið stofnunarinnar, stöðu hennar og framtíðarsýn
eða leiðir að markmiðum.
Sýningin „Þorlákstíðir og önnur Skálholtshandrit“, sem sett var upp vorið 1998,
var opin allt árið 1999. Yfir vetrarmánuðina er sýningin bundin við sýningarrými
inni á stofnuninni sjálfri og opin fjóra daga í viku, tvo klukkutíma í senn. Á þeim
árstíma, einkum utan opnunartíma, sækir sýninguna fjöldi skólabekkja með
kennurum sínum og fær leiðsögn safnkennara stofnunarinnar, Svanhildar Gunnarsdóttur.
Yfir sumartímann, í júní til ágúst, hefur stofnunin undanfarin ár fengið
til afnota kennslustofu 201 í Árnagarði og sýnt þar myndir úr handritum, prentaðar
bækur og annað efni sem fyllir þá mynd sem brugðið er upp á handritasýningunni
sjálfri. Opnunartíminn er þá frá kl. 13–17 alla daga. Sýningargestir 1999 voru
8310. Á árinu hófst undirbúningur undir nýja sýningu sem verður ætlað að varpa
ljósi á kristnitöku og landafundi um árið þúsund eins og þessir atburðir birtast
okkur í handritum.
Á árinu bættist allmikið við tækjakost stofnunarinnar og fékkst styrkur úr Bygginga-
og tækjakaupasjóði Rannís til kaupa á tækjum vegna verkefnisins „Stafræn
ljósmyndun Árnasafns“. Vinnu við verkefnið var haldið áfram á árinu, og var við
árslok hægt að skoða nokkur fornsagnahandrit á heimasíðu stofnunarinnar. Jafnframt
hefur verið unnið að því að opna aðgang að hljóðritasafni stofnunarinnar,
skrám um það og sýnishornum úr því.
Þegar liðin voru hundrað ár frá fæðingu Jóns Helgasonar 26. júní, gekkst stofnunin
fyrir Jónsvöku í minningu hans í samvinnu við Snorrastofu í Reykholti, afkomendur
Jóns og fleiri. Þar voru flutt átta erindi um Jón Helgason, fræðistörf
hans og skáldskap, en auk þess fluttu söngflokkurinn Hljómeyki, einsöngvarar og
hljóðfæraleikarar allmörg kvæða hans, og voru sum laganna frumflutt. Samkoman
var mjög vel sótt og þótti takast ágætlega.
12. desember var í Landsbókasafni dagskrá í minningu Einars Ól. Sveinssonar,
sem hefði orðið hundrað ára á þeim degi. Að henni stóð Stofnun Árna Magnússonar
ásamt Landsbókasafni Íslands-Háskólabókasafni og fleirum. Fjallað var
um verk Einars Ólafs og lesið úr þeim, auk þess sem kór flutti nokkur kvæða
hans. Samkoman var ágætlega sótt. Í tilefni dagsins kom út ritaskrá Einars Ólafs
sem Ólöf Benediktsdóttir bókavörður hafði tekið saman.
Stofnun Sigurðar Nordals
Stofnun Sigurðar Nordals er menntastofnun sem starfar við Háskóla Íslands.
Hlutverk hennar er að efla hvarvetna í heiminum rannsóknir og kynningu á íslenskri
menningu að fornu og nýju og tengsl íslenskra og erlendra fræðimanna á
því sviði.
Stjórnarskipti urðu árið 1999. Stjórnina skipa nú Ólafur Ísleifsson, framkvæmdastjóri
alþjóðasviðs Seðlabanka Íslands, formaður, Þóra Björk Hjartardóttir, dósent,
og Sigurður Pétursson, lektor.
Forstöðumaður stofnunarinnar er Úlfar Bragason. Jón Yngvi Jóhannsson sinnti
stöðu deildarstjóra í hálfu starfi fram á mitt ár en þá tók Nína Leósdóttir við því
starfi. Guðrún Theodórsdóttir og Sigríður Kristinsdóttir voru ráðnar tímabundið til
að vinna að margmiðlunarefni í íslensku fyrir útlendinga. Þá starfaði Helga Vala
Helgadóttir leikari um tíma við gerð margmiðlunarefnisins.
Stofnunin hefur til umráða húseignina Þingholtsstræti 29 sem er timburhús sem
flutt var inn tilhöggvið frá Noregi og reist 1899. Það er alfriðað.
Slóð heimasíðu stofnunarinnar er: www.nordals.hi.is og er heimasíðan uppfærð
reglulega. Á henni er að finna almennar upplýsingar um stofnunina á íslensku og
125