Árbók Háskóla Íslands 1999 - Háskóli Íslands

Stjórn Málvísindastofnunar skipuðu Magnús Snædal dósent, forstöðumaður, Margrét
Jónsdóttir dósent, meðstjórnandi og Hallgrímur J. Ámundason fulltrúi stúdenta,
ritari. Starfsmenn voru Áslaug J. Marinósdóttir framkvæmdastjóri, Gestur
Svavarsson, hlutastarf (30%) janúar–maí, Haraldur Bernharðsson, hlutastarf (50%)
júní–september, Jóhannes Bjarni Sigtryggsson, hlutastarf (30%) október–desember.
Rannsóknir
Stofnunin styrkti langssniðsathugun á máli íslensks barns með því að greiða laun
aðstoðarmanns í þrjá mánuði. Unnið var að því að skrá efni af segulbandi og
koma þeim gögnum á tölvutækt form. Umjónarmaður verkefnisins er Sigríður
Sigurjónsdóttir.
Kynningarstarfsemi
Útgáfa
• Haraldur Bernharðsson: Málblöndun í sautjándu aldar uppskriftum íslenskra
miðaldahandrita. (Málfræðirannsóknir, 11. bindi.)
• Jón Helgason: Málið á Nýja testamenti Odds Gottskálkssonar. (Rit um íslenska
málfræði 4.) [Ljósprentun útgáfunnar frá 1929.]
• Auk þess voru sex áður útgefnar bækur endurútgefnar og endurprentaðar.
Ráðstefnur
Fulltrúi stofnunarinnar, Margrét Jónsdóttir, sótti ráðstefnu í Reykholti í lok júní,
sem haldin var í tilefni af því að hundrað ár voru liðin frá fæðingu Jóns Helgasonar
prófessors. Kynnti hún endurprentun á bók Jóns, Málið á Nýja-testamenti
Odds Gottskálkssonar sem gerð var af þessu tilefni.
Guðvarður Már Gunnlaugsson hélt fyrir hönd stofnunarinnar erindi á ráðstefnu
um skaftfellskan framburð sem haldin var í októberlok á Höfn í Hornafirði.
Annað
Stofnunin veitti einum stúdent ferðastyrk á ráðstefnu, 50 þúsund krónur. Stofnunin
flutti á árinu úr Árnagarði í Nýja-Garð í húsnæði Hugvísindastofnunar þar sem
allar rannsóknastofnanir heimspekideildar eru nú til húsa. Heimasíða stofnunarinnar
er tengd við heimasíðu Háskólans (undir „Stofnanir“) en slóðin er annars:
www.hi.is/pub/malvis.
Sagnfræðistofnun
Samkvæmt reglugerð skal Sagnfræðistofnun m.a. annast rannsóknir, gangast
fyrir ráðstefnum, námskeiðum, rannsóknaræfingum og fyrirlestrum og standa
fyrir útgáfu.
Stjórn og starfsmenn
Stjórnina skipuðu framan af ári Helgi Þorláksson, sem gegndi starfi forstöðumanns,
Loftur Guttormsson og fulltrúi stúdenta, Björn Ingi Hrafnsson. Hann lét af
störfum síðsumars og við tók Guðrún Harðardóttir.
Starfsmenn stofnunarinnar voru Rósa Magnúsdóttir á vormisseri og Eggert Þór
Aðalsteinsson á haustmisseri. Þau hafa einkum séð um sölu ljósritaðra kennslugagna.
Forstöðumaður sat í stjórn Hugvísindastofnunar.
Gistifræðimenn og fyrirgreiðsla
Agneta Ney sem var gistifræðimaður við stofnunina 1998 kom aftur á haustmánuðum
og nýtur fyrirgreiðslu sem gistifræðimaður stofnunarinnar veturinn
1999–2000. Hrefna Róbertsdóttir, sem stundar doktorsnám í Lundi, nýtur fyrirgreiðslu
sem gistifræðimaður í þrjá mánuði, frá desember 1999 til janúar 2000.
Jesse L. Byock prófessor hefur notið nokkurrar fyrirgreiðslu stofnunarinnar
vegna tölvupósts.
Rannsóknarverkefni
Á vegum stofnunarinnar var unnið áfram að verkefninu Saga íslenskrar utanlandsverslunar
900–2002. Sami undirbúningshópur og áður starfaði að verkefninu
en það hlaut forverkefnisstyrk frá Rannís, 400 þúsund kr. Hópurinn hélt marga
fundi á árinu, m.a. kynningarfund á vegum Sagnfræðingafélags Íslands í maí en
félagið gekk til samstarfs við hópinn um fyrirlestraröð á haustmisseri undir heitinu
„Hvað er hagsaga?“ Hópurinn réð sér starfsmann, Magnús Svein Helgason
83