Árbók Háskóla Íslands 1999 - Háskóli Íslands

Misserislöng kvöldnámskeið í samstarfi
við heimspekideild H.Í.
Boðið var upp á misserislöng kvöldnámskeið í samstarfi við heimspekideild H.Í.,
m.a. um bókmenntir, heimspeki, siðfræði, sagnfræði, listasögu, tónlistarsögu,
fornsögur, kvikmyndafræði og trúarbragðafræði. Alls sóttu 1.163 manns þessi
námskeið á árinu.
1–2 ára nám samhliða starfi
Á árinu var boðið upp á eftirfarandi námsleiðir sem 662 nemendur sóttu:
• Rekstrar- og viðskiptanám – 1 1 /2 ár
• Rekstrarfræði – 1 ár
• Markaðs- og útflutningsfræði – 1 ár
• Opinber stjórnsýsla og stjórnun – 1 ár
• Stjórnun og rekstur í heilbrigðisþjónustu – 1 1 /2 ár
• Stjórnun og rekstur í matvælaiðnaði – 1 1 /2 ár
• Svæfinga-, gjörgæslu- og skurðhjúkrunarnám – 2 ár
• Faghandleiðsla og handleiðslutækni – 1 1 /2 ár
• Námskrárfræði og skólanámskrárgerð – 1 ár
Námskeið fyrir framhaldsskólakennara
Námskeið fyrir framhaldsskólakennara, sem eru haldin í samvinnu við menntamálaráðuneytið,
sóttu alls 1.950 manns á árinu.
Námskeið ætluð opinberum starfsmönnum
Á árinu sótti alls 471 námskeið sem haldin eru í samstarfi við Ríkisbókhald.
Námskeið í samstarfi við Fræðsluver Guðbrands Gíslasonar og Rekspöl sóttu alls
218 manns.
Réttindanám á vegum ráðuneyta
Endurmenntunarstofnun sér um framkvæmd réttindanáms sem lög á ýmsum
sviðum kveða á um. Þannig var á árinu boðið upp á nám vegna leyfis til að gera
eignaskiptasamninga í samstarfi við félagsmálaráðuneytið. Í samvinnu við umhverfisráðuneytið
var nám fyrir mannvirkjahönnuði. Boðið var upp á nám til undirbúnings
löggildingarprófi í verðbréfamiðlun. Á árinu sótti alls 271 nám af þessu tagi.
Námskrá og kynningarmál
Tvisvar á ári gefur stofnunin út yfirlit yfir námsframboð í námskrá. Námskráin
sem er gefin er út í 35. 000 eintökum er nú 48 síður. Bæklingar um einstök námskeið
eru sendir til markhópa. Námsframboðið er einnig kynnt á Netinu og er
hægt að skrá sig þar á námskeið. Slóðin á heimasíðu stofnunarinnar er:
www.endurmenntun.hi.is.
EUCEN-ráðstefna
Endurmenntunarstofnun stóð fyrir 130 manna evrópskri ráðstefnu EUCEN í júní
1999 með yfirskriftina „Learning from Each Other“. Ráðstefnan, sem var sú sautjánda
á vegum EUCEN, var sú fjölsóttasta hingað til. EUCEN stendur fyrir „European
University Continuing Education Network“.
Nýjungar árið 1999
Stöðug endurnýjun er á námskeiðsframboði Endurmenntunarstofnunar. Endurnýjunin
byggist á samstarfi við fagfélög, stofnanir, kennara, sérfræðinga og
nemendur.
Á árinu hófst nám á þremur nýjum námsbrautum: Rekstur og stjórnun í matvælaiðnaði
er þriggja missera nám. Námskrárfræði og skólanámskrárgerð tekur
tvö misseri. Faghandleiðsla og handleiðslutækni tekur þrjú misseri.
Tilraunaverkefni hófst haustið 1999 í samstarfi við Fræðslunet Austurlands á Egilsstöðum
um fjarkennslu í þriggja missera rekstrar- og viðskiptanám. 14 manns
stunda námið.
Haustið 1999 hóf Endurmenntunarstofnun samstarf við ReykjavíkurAkademíuna
um námskeiðahald, m. a. námskeið fyrir háskólastúdenta um „akademísk vinnubrögð“.
Sumarnámskeið DIS
Haustið 1999 tók Endurmenntunarstofnun að sér framkvæmd sumarnámskeiða
fyrir bandaríska háskólastúdenta hér á landi fyrir DIS, „Denmarks International
Study Program“. Árið 1999 komu 33 nemendur á námskeiðin.
135