Árbók Háskóla Íslands 1999 - Háskóli Íslands

pakkanum og getur m.a. lesið skjöl úr honum. Helsti munurinn er þó sá að þennan
hugbúnað geta notendur eignast sér að kostnaðarlausu.
Samningur um Informix-hugbúnað
17. september undirrituðu Reiknistofnun og Strengur hf. samning um kaup
Reiknistofnunar á Informix-hugbúnaði. Samningurinn felur í sér leyfi til Háskólans
til að nota allan Informix-hugbúnað ótakmarkað, jafnt við kennslu og stjórnun.
Reiknistofnun hefur notast við Informix-hugbúnað, þróunarumhverfi og gagnagrunna,
á undanförnum árum. Aðallega hefur það verið við gerð og rekstur
upplýsingakerfis stjórnsýslu Háskólans (UKSHÍ) eins og nemendaskráningarkerfi,
starfsmannakerfi og vef UKSHÍ, og einnig við símkerfi H.Í. og reikningakerfi RHÍ.
Með tilkomu þessa nýja samnings gefst Háskólanum kostur á að nýta til fulls allt
það sem Informix hefur upp á að bjóða.
Verulegar úrbætur í tölvuverum Reiknistofnunar
Á síðasta ári fóru fram verulegar endurbætur á tölvukosti tölvuvera RHÍ. Í kjölfar
útboðs voru fest kaup á 82 nýjum einmenningstölvum af gerðinni DELL-Optiplex.
Fjögur ný tölvuver
Sett voru upp fjögur ný tölvuver á árinu; í Árnagarði, Skógarhlíð 10 Haga og á
Grensásvegi 12,. Auk þess voru tölvur endurnýjaðar í Odda 102, VR II, og Eirbergi.
Tölvur í tölvuverum RHÍ eru nú 207 talsins og má segja að tölvukostur stúdenta
hafi aldrei verið betri, en lengi má bæta úr. Sem dæmi má taka tölvur sem keyptar
voru árið 1995, 90 MHz Pentium-tölvur, sem orðið er brýnt að endurnýja.
Netframkvæmdir
Helstu framkvæmdir sem tengdust rekstri og nýlögnum Háskólanetsins á árinu
voru eftirtaldar:
Grensásvegur 12: Aðstaða fyrir nýtt tölvuver fékkst og gerðar voru nauðsynlegar
breytingar á húsnæðinu. Lagðar voru nýjar lagnir og þjónustuvél (server) komið
fyrir. Jafnframt þessu var tengingin uppfærð úr 64 kb/s (ISDN) í 1 Mb/s með notkun
sérstakra háhraðamódema.
Skógarhlíð 10: Nýjar lagnir voru lagðar á nokkra staði vegna breytinga á húsnæðinu
og fyrir nýtt tölvuver. Tengingu hússins breytt úr 28,8 kb/s í 2 Mb/s með þráðlausu
örbylgjusambandi.
Eirberg: Lokið var við netlagnir í yngri hluta byggingarinnar og þar var á vordögum
opnað nýtt tölvuver með 20 nýjum tölvum.
Jarðvegsframkvæmdir
Grafið/borað fyrir röralögnum frá Árnagarði að Eggertsgötu 12, Aragötu 9 og 14. Í
tengslum við þetta verkefni voru settir niður fimm brunnar.
Það uppgötvaðist óvænt í sumar að nokkur lagnafyrirtæki borgarinnar voru að
leggja nýjar lagnir í stóran hluta af Hjarðarhaga og hluta af Neshaga. Stofnunin
brást skjótt við og tókst að semja við lagnaraðila um að fá að leggja rör í þeirra
skurði gegn vægu gjaldi. Því miður var ekki grafið eftir öllum Hjarðarhaganum,
þannig að eftir er spottinn milli Kvisthaga og Tómasarhaga, sem og nokkrir tugir
metra til að ná inn í hús báðum megin.
Aragata 9
Nýtt net var lagt í allt húsið og nýr tengiskápur með nýjum tengi- og netbúnaði
settur upp. Ljósleiðari og símakapall var lagður frá Aðalbyggingu að Aragötu 9.
Aragata 14
Nýtt net var lagt í allt húsið og nýr tengiskápur og netbúnaður settur upp. Ljósleiðarinn
sem lagður var að Aragötu 9 var lagður áfram að nr. 14. Símakapall
lagður frá Aragötu 9 að 14.
Eggertsgata 12
Til stendur að tengja alla stúdentagarða Félagsstofnunar stúdenta við Háskólanetið.
Þangað hefur verið lagður ljósleiðarastrengur frá Aðalbyggingu. Verið er að
leggja ljósleiðara milli bygginganna á svæðinu. Búið er að ganga frá innanhúslögnum
í flestum húsanna.
147