Árbók Háskóla Íslands 1999 - Háskóli Íslands

Félagsstofnun leitaði til Reiknistofnunar eftir ráðgjöf við skipulagningu kerfisins.
Gert er ráð fyrir að allt kerfið verði komið í notkun fyrir áramót. Fjöldi íbúðanna
sem hafa möguleika á tengingu á þessu ári er um 460. Með netbúnaði gæti þetta
orðið um 490 tæki. Miðað við núverandi fjölda tengdra tækja á Háskólanetinu yrði
þetta um 25% aukning. Þá munu innan þriggja ára bætast við þrjú ný hús með um
150 íbúðum alls.
Norræna húsið
Nokkrir erlendir lektorar hafa haft aðstöðu í Norræna húsinu og hafa þeir verið
tengdir neti Háskólans. Nýlega var tengingin þangað uppfærð. Netlagnir hafa
einnig verið endurnýjaðar og settur upp nýr tengiskápur. Leitað var til Reiknistofnunar
um ráðgjöf varðandi skipulag netsins og tilhögun. Í framhaldi af því var
samið við RHÍ um að húsið í heild yrði tengt neti Háskólans. Nettengibúnaður er
því í eigu og umsjá RHÍ.
Lögberg
Þessa dagana er verið er að endurnýja lagnir á 3. og 4. hæð þannig að nýjar lagnir
verði í öllu skrifstofurými á þessum hæðum.
Árnagarður
Um síðustu mánaðamót var ákveðin staðsetning á nýju tölvuveri. Með samstilltu
átaki með starfsmönnum bygginga- og tæknisviðs gekk uppsetningin og allur
frágangur hratt og vel.
Oddi
Svæðið til hliðar við tölvuverið á þriðju hæð var hólfað niður. Í framhaldi af því var
tiltölulega nýlegt lagnakerfi sem tengt var í gólfdósir lagt af og nýtt kerfi lagt eftir
stokkum sem settir voru upp þegar rýmið var hólfað niður. engingar tölvuversins
í stofu 102 voru uppfærðar í sumar.
Nýr innhringibúnaður
Nýr og fullkominn innhringibúnaður fyrir nemendur og starfsmenn var tekinn í
notkun snemma á árinu.
Símkerfi
Töluverð vinna hefur verið sett í að koma betra skipulagi á símamálin. Einn liður í
því er að finna og loka númerum sem ekki eru lengur í notkun. Í nokkrum tilfellum
hefur verið lagður sérstakur kapall milli húsa þannig að símasamband sé á
lögnum Háskólans en ekki Landssímans. Haldið verður áfram á þessari braut á
næsta ári.
Skipulag á neti Háskólans
Til stendur að breyta uppbyggingu Háskólanetsins töluvert. Búið er að semja um
kaup á mjög öflugum búnaði til að uppfæra tengingu þeirra húsa sem stofnuninni
tengjast með ljósleiðara í 100 Mb/s. Í tengslum við þetta verður lagður nýr ljósleiðari
milli bygginganna. Uppstokkun kerfisins tekur vafalítið nokkurn tíma,
enda þarf að halda gamla kerfinu gangandi á sama tíma.
Hraðinn á netinu hundraðfaldaður
Nú eru um 10 ár liðin síðan fyrstu skrefin voru stigin hjá Reiknistofnun við hönnun
núverandi Háskólanets. Þegar frumhönnun var lokið bjuggust menn við að sú
útfærsla sem þá var valin myndi endast í mesta lagi 5 ár en á meðan yrði netið
smám saman gert afkastameira.
Á þessum tíma voru færri en 50 tæki tengd Háskólanetinu og samband H.Í. við
Internetið 9600 b/s. Notendur voru örfá hundruð. Háskólanetið náði til 4–5 húsa
og mæna þess annaði vel því sem á hana var lagt.
Í dag eru 2800 vélar á Háskólanetinu, Tenging Háskólans við Internetið er 10
Mbit/s, vélarafl hefur 64-faldast að meðaltali og notendur eru orðnir 7000 talsins.
Fáa þarf því að undra þótt orðið væri nauðsynlegt að auka afkastagetu burðarmænu
Háskólanetsins.
Núverandi búnaður er tvær ljósleiðarastjörnur, ein í Tæknigarði og önnur í Aðalbyggingu.
Þær eru orðnar úreltar og ekki fást lengur varahlutir né viðgerðaþjónusta
fyrir þær.
Búnaður endurnýjaður
Því var tímabært að endurnýja stjörnurnar og varð Cisco-búnaður frá Opnum
148