Árbók Háskóla Íslands 1999 - Háskóli Íslands

stofnun H.Í. og tölvu sem lyfjafræðinemar fengu að gjöf frá Glaxo Wellcome á Íslandi.
Gestakennarar tóku nokkurn þátt í kennslu lyfjafræðinema á árinu. Fræðslusjóður
Lyfjafræðingafélags Íslands greiddi kostnað vegna tveggja kennara frá University
of Strathclyde sem sáu um vikunámskeið í klínískri lyfjafræði (aðgengisfræði)
fyrir lyfjafræðinema. Námskeiðið var að mestu haldið á Landspítalanum og
Sjúkrahúsi Reykjavíkur í samstarfi við lyfjafræðinga sem starfa við sjúkrahúsapótekin.
Þetta er í annað sinn sem þessir skosku kennarar eru fengnir hingað til
lands til að sinna kennslu í námsgreininni.
Lyfjafræði 1995 1996 1997 1998 1999
Skráðir stúdentar 74 86 85 80 80
Brautskráðir
Cand.Pharm.-próf 7 11 12 10 11
Doktorspróf 1
Kennarastörf 6,37 6,37 5,37 6,37 6,37
Rannsóknarog
sérfræðingsstörf6 6 5 7 7,15
Aðrir starfsmenn 0,5 0,5 0,5 0,5 0,5
Stundakennsla/stundir 1.900
Útgjöld (nettó) í þús. kr. 26.031 27.310 29.347 35.427 40.514
Fjárveiting í þús. kr. 26.060 26.526 28.358 32.688 39.188
Tölur um skráða stúdenta miðast við janúar árið eftir, þ.e. mitt námsárið.
Kennsla í lyfjafræði hefur til þessa einkum verið í formi fyrirlestra, dæmatíma og
verklegra tilrauna. Notkun upplýsingatækni hefur aukist verulega við kennslu og
nám í lyfjafræði, m.a. við gerð og dreifingu kennsluefnis, í samskiptum nemenda
og kennara, og við flutning fyrirlestra. Notkun tölvuskjávarpa við kennslu hefur
aukist til muna. Aðrar nýjungar í kennslu og kennsluháttum í lyfjafræði hafa verið
teknar upp og eru þær helstu eftirfarandi:
• Notkun tölvuforrita. Keypt hafa verið kennsluforrit sem miða að því að nemendur
geti farið yfir ákveðinn þátt námsefnis og æft sig í að leysa verkefni
tengd því.
• Verkefnatengd kennsla. Þetta kennslufyrirkomulag felst í því að í stað hefðbundinnar
kennslu fá nemendur ákveðið fræðilegt verkefni til að leysa undir
handleiðslu kennara. Verkefnatengd kennsla kemur nú í stað „venjulegrar"
verklegrar kennslu í lyfjagerðarfræði á vormisseri þriðja árs. Þetta hefur
mælst vel fyrir hjá nemendum en í ljós hefur komið að þetta kennsluform
krefst meira vinnuframlags frá kennara en hefðbundin kennsla.
• Kynning nemenda á verkefnum. Aukin áhersla er lögð á að nemendur kynni
verkefni sín, annaðhvort með fyrirlestrum eða veggspjöldum.
Þrír nemendur stunduðu rannsóknatengt framhaldsnám undir handleiðslu kennara
í lyfjafræði. Tveir erlendir stúdentar, einn frá háskólanum í Kuopio í Finnlandi
og einn frá háskólanum í Barcelona á Spáni unnu lokaverkefni sín í lyfjafræði lyfsala
við Háskóla Íslands á árinu 1999 og tveir danskir nemendur unnu við rannsóknir
hjá kennurum í lyfjafræði. Tveir erlendir skiptinemar voru skráðir í lyfjafræði
kennsluárið 1999–2000. Nokkrir íslenskir lyfjafræðinemar hafa nýtt sér
Nordplus- og Erasmus-styrki og tekið hluta af námi sínu við erlenda háskóla.
Í október flutti Jantien J. Kettenes - van den Bosch, dósent við lyfjafræðideild háskólans
í Utrecht í Hollandi, fyrirlestur í boði lyfjafræði lyfsala um notkun massagreiningar
við rannsóknir á lífsameindum.
Rannsóknir
Kennarar í lyfjafræði hafa verið mjög virkir í rannsóknum á undanförnum árum
og iðnir við að kynna niðurstöður þeirra á ráðstefnum, bæði innanlands og utan-,
sem og í alþjóðlegum tímaritum. Að undanförnu hefur rannsóknasamstarf við atvinnulífið
verið eflt, bæði við íslensk lyfjafyrirtæki og önnur iðnfyrirtæki í landinu.
Einnig hafa kennarar í lyfjafræði átt samstarf við háskóla og fyrirtæki erlendis.
62