Árbók Háskóla Íslands 1999 - Háskóli Íslands

sérhæfðu tækjakaupafé Háskólans sem alls voru 4,3 milljónir króna til kaupa á
fosfórflúrmyndgreini. Engar markverðar breytingar urðu á húsnæðismálum rannsóknastofunnar.
Unnið var að undirbúningi verkkennslustofu á 1. hæð í Læknagarði
en tilkoma hennar myndi leysa brýnan húsnæðisvanda fyrir þá starfsemi.
Líffræðistofnun
Líffræðistofnun Háskólans tók til starfa árið 1974 samkvæmt reglugerð nr.
191/1974.
Hlutverk hennar er:
• að afla grundvallarþekkingar í líffræði, einkum þeim greinum sem kenndar
eru við raunvísindadeild Háskóla Íslands.
• að miðla grundvallarþekkingu í líffræði, kynna fræðilegar nýjungar og efla
rannsóknir og kennslu í líffræði á Íslandi.
Á Líffræðistofnun Háskólans er unnið að undirstöðurannsóknum í margvíslegum
greinum líffræðinnar. Sérfræðingar stofnunarinnar stunda einnig rannsóknir á
hagnýtum sviðum líffræðinnar og taka að sér rannsóknarverkefni eftir því sem
aðstæður leyfa og um semst. Með rannsóknunum fæst ný þekking sem kemur að
notum við að leysa úr ýmsum viðfangsefnum, bæði fræðilegum og hagnýtum.
Sem fræðigrein spannar líffræðin geysilega vítt svið og á síðustu árum hafa
tengsl líffræði við helstu atvinnuvegi okkar og velferð komið æ betur í ljós. Núverandi
stjórn Líffræðistofnunar var kosin í apríl 1999. Hana skipa Sigurður S.
Snorrason, formaður, Páll Hersteinsson, varaformaður og Rannveig Magnúsdóttir,
fulltrúi stúdenta.
Á Líffræðistofnun Háskólans starfa allir kennarar sem eru í fullu starfi við líffræðiskor
raunvísindadeildar. Auk þess starfar við stofnunina einn fastráðinn sérfræðingur
og nokkrir lausráðnir sérfræðingar sem ráðnir eru til að sinna sérstökum
verkefnum, lausráðið aðstoðarfólk og ritari í hálfri stöðu. Loks starfa þar
að jafnaði nokkrir vísindamenn sem stofnunin veitir aðstöðu. Sérfræðingur Náttúrurannsóknastöðvarinnar
við Mývatn hefur starfsaðstöðu við stofnunina samkvæmt
sérstöku samkomulagi.
Sérfræðingar Líffræðistofnunar Háskólans starfa á eftirfarandi rannsóknasviðum:
• Agnar Ingólfsson prófessor: rannsóknir á vistfræði fjara og lífi í rekandi þangi.
• Arnþór Garðarsson prófessor: rannsóknir á vistfræði og stofnstærð sjófugla og
vistfræði Mývatns.
• Árni Einarsson sérfræðingur Náttúrurannsóknastöðvarinnar við Mývatn:
vöktun og rannsóknir á lífverustofnum og umhverfisþáttum í Mývatni og Laxá.
• Eggert Gunnarsson lektor: rannsóknir í örverufræði.
• Einar Árnason prófessor: þróunarfræði og stofnerfðafræði, m.a. á skyldleika
þorskstofna í Norður-Atlantshafi.
• Eva Benediktsdóttir dósent: rannsóknir á bakteríuflóru á fiskum.
• Gísli Már Gíslason prófessor: vatnalíffræðirannsóknir, aðallega í straumvatni
og í Laxá í Suður-Þingeyjarsýslu.
• Guðmundur Eggertsson prófessor: rannsóknir á erfðum bakteríunnar
Escherichia coli.
• Guðmundur V. Helgason sérfræðingur: rannsóknir á botndýrum á Íslandsmiðum
og burstaormum.
• Guðni Á. Alfreðsson prófessor: rannsóknir á hita- og kuldakærum örverum og
salmonellu-bakteríum.
• Halldór Þormar prófessor: rannsóknir á hæggengum veirum og veirudrepandi
lyfjum.
• Jakob Jakobsson prófessor: fiskifræðirannsóknir.
• Jakob K. Kristjánsson dósent (nú rannsóknarprófessor): rannsóknir á hitakærum
örverum.
• Jón S. Ólafsson sérfræðingur: rannsóknir á hryggleysingjum í ferskvatni.
• Jörundur Svavarsson prófessor: rannsóknir á botndýrum á Íslandsmiðum.
• Logi Jónsson dósent: rannsóknir á lífeðlisfræði fiska.
• Páll Hersteinsson prófessor: rannsóknir á stofnvistfræði tófu og minks.
• Sigríður Þorbjarnadóttir deildarstjóri: rannsóknir á erfðafræði hitakærra örvera.
• Sigurður S. Snorrason dósent: rannsóknir á vistfræði botndýra í ferskvatni,
vist- og þróunarfræði ferskvatnsfiska.
93