Árbók Háskóla Íslands 1999 - Háskóli Íslands

• Afkomendur Jóhannesar úr Kötlum luku afhendingu á gögnum hans á hátíðarsamkomu
sem haldin var 4. nóvember í tilefni af því að öld var liðin frá
fæðingu skáldsins.
• Afkomendur Einars Ól. Sveinssonar prófessors afhentu gögn úr fórum hans á
hátíðarsamkomu sem haldin var 12. desember, en þá var öld liðin frá fæðingu
Einars Ólafs.
• Ættingjar Hallgríms Helgasonar tónskálds afhentu tónverkasafn hans 3. nóvember,
ásamt langspili sem Hallgrímur hafði átt.
• Sigurður Helgason stærðfræðingur færði safninu og stærðfræðiskor raunvísindadeildar
sjötíu rit um stærðfræði að gjöf 17. desember. Við sama tækifæri
gaf hann Landsbókasafni fimm þúsund Bandaríkjadali (um 360 þúsund
krónur) sem verja á til kaupa á stærðfræðiritum.
• Ágúst Gunnar Gylfason færði safninu í ágúst rúmlega hundrað bindi fræðibóka
sem faðir hans, Gylfi Már Guðbergsson prófessor, lét eftir sig.
• Sigurður St. Helgason fisksjúkdómafræðingur afhenti safninu 11. ágúst um 40
bindi bóka sem verið höfðu í eigu Pálma Hannessonar rektors.
• Inga Bjarnason afhenti safninu tónlistarhandrit manns síns, Leifs Þórarinssonar
(1934–98) 13. ágúst.
• Þorvarður Magnússon, Bjarnarstíg 5, Reykjavík, gaf safninu einkabókasafn sitt,
allt að tíu þúsund bindi. Var það staðfest með gjafabréfi sem dagsett er 9. júní
1999.
Safn Gunnars Gunnarssonar
Gjafabréf um afhendingu safns Gunnars Gunnarssonar til Landsbókasafns var
undirritað 20. janúar og staðfest af menntamálaráðherra 9. febrúar. Safninu hafði
með gjafabréfi dagsettu 25. apríl 1979 verið ráðstafað til Stofnunar Árna Magnússonar,
en erfingjar skáldsins og forráðamenn stofnunarinnar komu sér nú saman
um að safnið mundi njóta sín betur í Landsbókasafni.
Helstu sýningar
• Sýning á vegum Kvennasögusafns Íslands um Bríeti Bjarnhéðinsdóttur í forsal
þjóðdeildar, 8. febrúar til 31. mars.
• Rannís: Veggspjaldasýning um þátttöku Íslendinga í verkefnum sem styrkt eru
af ESB, 1.–30. apríl.
• Sýning á handritum Jóns Leifs tónskálds (1899–1968), opnuð 1. maí.
• Áhugaljósmyndarar í Reykjavík 1950–70. Sýning á vegum Þjóðminjasafns,
7.–28. maí.
• Undir bláum sólarsali. Eggert Ólafsson skáld og náttúrufræðingur 1726–1768.
Sumarsýning Landsbókasafns og Þjóðminjasafns, 5. júní–25. september.
• Alexander Sergejevítsj Púshkín 1799–1999. Sýning á vegum MÍR og Landsbókasafns,
26. maí–6. ágúst.
• List Inúíta í Kanada. Sýning á vegum Háskóla Íslands, 12. ágúst–4. nóvember.
• Sýning á handritum Leifs Þórarinssonar tónskálds, 13. ágúst–15 september.
• Sýning á vegum Kínverska alþýðulýðveldisins, 1.–10. október.
• Sýning haldin í tilefni af aldarafmæli Jóhannesar úr Kötlum, 4. nóvember
1999–31. janúar 2000.
• Sýning haldin í tilefni af aldarafmæli Einars Ólafs Sveinssonar, 12. desember
1999–15. febrúar 2000.
Útgáfa
Meðal útgáfurita safnsins á árinu 1999 voru:
• Íslensk bókaskrá og Íslensk hljóðritaskrá, rit sem greina frá bóka- og tónlistarútgáfu
liðins árs. Allar færslur í þessum ritum eru líka aðgengilegar í
Gegni.
• Ritmennt 3 (1998) kom út snemma á árinu, fræðilegt ársrit, 160 blaðsíður að
stærð. Meðal efnis er grein eftir Dick Ringler prófessor við Wisconsin-háskóla
í Madison. Hann lýsir glímu sinni við að þýða Jónas Hallgrímsson á ensku, en
vefsíða með þýðingum hans var opnuð árið 1997, og segir frá henni í annarri
grein í ritinu. Þá á Sigurður Pétursson lektor grein í Ritmennt þar sem segir
frá fágætum einblöðungi sem hann rakst á í safninu. Hann er prentaður árið
1695 og hefur að geyma erfiljóð á grísku um ungan Íslending.
• Landsbókasafn Íslands – Háskólabókasafn fyrstu fimm árin. Þrjátíu blaðsíðna
yfirlit um starfsemi safnsins 1. desember 1994–1. desember 1999, ásamt
tölulegu yfirliti um árin 1995–98.
• Þekking, vísindi og menning við aldaskil. Stefnumótun fyrir Landsbókasafn
Íslands – Háskólabókasafn. Nóvember 1999. Tíu blaðsíðna bæklingur.
142