Árbók Háskóla Íslands 1999 - Háskóli Íslands

ensku. Einnig er þar gerð grein fyrir starfsemi hennar: ráðstefnum, námskeiðum,
bókaútgáfu og styrkjum, sem hún veitir. Jafnframt eru þar upplýsingar um íslenskukennslu
fyrir útlendinga, ráðstefnur á sviði íslenskra fræða víða um heim,
nýjar og væntanlegar bækur og tímarit og þýðingar úr íslensku. Skrá um fræðimenn
í íslenskum fræðum er tengd heimasíðunni og upplýsingabanki um
kennslu í íslensku við erlenda háskóla.
Stofnunin annast umsjón með sendikennslu í íslensku erlendis fyrir hönd íslenskra
stjórnvalda og tekur þátt í norrænu samstarfi um Norðurlandafræðslu erlendis.
Á vormisseri störfuðu 13 sendikennarar í íslensku við erlenda háskóla.
Var efnt til fundar þeirra í Vínarborg dagana 28. og 29. maí þar sem rædd voru
málefni íslenskukennslu erlendis. Þá var haldin ráðstefna í Vilníus í Litháen 7.–9.
október fyrir kennara í Norðurlandamálum í Eystrasaltslöndunum og stóð stofnunin
að undirbúningi hennar. Stofnunin hefur einnig hafið samstarf við aðra aðila
sem vinna að eflingu tungumálanáms og kynningu á menningu í Evrópu. M.a. tók
forstöðumaður þátt í þingi um eflingu tungumála er tiltölulega fáir tala í Evrópu,
sem haldið var í Hollandi fyrir tilstuðlan tungumálaáætlunar Evrópusambandsins.
Þá vinnur stofnunin að gerð margmiðlunarefnis í íslensku fyrir erlenda námsmenn
í samvinnu við háskólastofnanir í Evrópu og með stuðningi tungumálaáætlunar
Evrópusambandsins og menntamálaráðuneytisins.
Stofnunin fékk styrk frá Landafundanefnd til að efna til alþjóðlegs þings um
heimildir um landafundi og landnám norrænna manna við Norður-Atlantshaf og
íslensk fræði í hinum enskumælandi heimi. Þingið var haldið í Norræna húsinu
dagana 9.–11. ágúst. Tuttugu og þrír fyrirlestrar voru fluttir og pallborðsumræður
um stöðu íslenskra fræða fóru fram. Rúmlega eitt hundrað manns sóttu ráðstefnuna.
Í tengslum við hana var farin ferð á söguslóðir í Dölum.
Eins og undanfarin ár gengust stofnunin og heimspekideild fyrir fjögurra vikna
sumarnámskeiði í íslensku máli og menningu í júlí. Þá stóðu stofnunin, heimspekideild
og Stofnun Árna Magnússonar að tveggja vikna miðaldanámskeiði í
júlí.
Stofnunin gekkst fyrir þýðendaþingi í september 1998. Í framhaldi af því vann Jón
Yngvi Jóhannsson nokkra útvarpsþætti um þýðingar og þýðingafræði og voru þeir
fluttir í Ríkisútvarpinu vorið 1999.
Vésteinn Ólason, forstöðumaður Stofnunar Árna Magnússonar á Íslandi, flutti Sigurðar
Nordals fyrirlestur í boði stofnunarinnar hinn 14. september, á fæðingardegi
Sigurðar. Nefndist fyrirlesturinn: „List og tvísæi í Snorra-Eddu.“
Inna G. Matyushina, háskólakennari í Moskvu, naut svonefnds styrks Snorra
Sturlusonar, sem stofnunin annast úthlutun á. Dvaldist hún hér um tveggja mánaða
skeið við rannsóknir.
Tilraunastöð Háskóla
Íslands í meinafræði
að Keldum
Stjórn
Stjórn stofnunarinnar á árinu skipuðu: Þórður Harðarson prófessor, formaður,
Bjarnheiður K. Guðmundsdóttir örverufræðingur, Eggert Gunnarsson dýralæknir,
Guðmundur Eggertsson prófessor og Halldór Runólfsson yfirdýralæknir. Bjarnheiður
tók við af Ólafi S. Andréssyni sem fulltrúi starfsmanna.
Starfslið
Alls inntu 65 manns ríflega 46 ársverk af hendi á starfsárinu sem er nánast
óbreytt frá fyrra ári. Auk fastráðinna starfsmanna komu þar að verki 12 líffræðiog
dýralæknanemar. Fjórir þeirra voru B.S.-líffræðingar í M.S.-námi og lauk einn
prófi á árinu. Fimm starfsmenn unnu sem fyrr við stjórnsýslu, á skrifstofu og við
afgreiðslu. Sérfræðingar sem störfuðu að rannsóknum og þjónustu voru alls 20
og voru laun þriggja þeirra greidd með styrkjum. Þeim til aðstoðar voru hátt í þrír
126