Árbók Háskóla Íslands 1999 - Háskóli Íslands

Málstöðin annast fyrir hönd Íslenskrar málnefndar tengsl við orðanefndir sem
starfa á ýmsum sérsviðum og er þeim innan handar á margan hátt. Í árslok 1999
voru samtals 48 orðanefndir skráðar í Íslenskri málstöð. Halldór Halldórsson
prófessor starfaði á vegum Íslenskrar málnefndar sem málfarslegur ráðunautur
Orðanefndar byggingarverkfræðinga. Orðanefnd Skýrslutæknifélags Íslands hélt
vikulega fundi sína í Íslenskri málstöð. Orðanefnd um ónæmisfræði hélt einnig
fundi sína í Íslenskri málstöð og starfsmaður nefndarinnar, Þuríður Þorbjarnardóttir,
hafði vinnuaðstöðu í málstöðinni. Þuríður vinnur þar einnig við endurbætur
á Líforðasafni. Haldið var áfram samvinnu við Orðanefnd Félags viðskiptafræðinga
og hagfræðinga um gerð hagfræðiorðasafns. Dóra Hafsteinsdóttir, ritstjóri
orðabankans, vann jafnframt að gerð orðasafns um krydd, ávexti og grænmeti og
að gerð orðasafns um þýðingafræði.
Erlent samstarf
Íslensk málnefnd á ýmis samskipti við aðrar málnefndir á Norðurlöndum. Aðalvettvangur
samstarfsins er Norrænt málráð. Fundir voru haldnir í ráðinu í Danmörku
í febrúar og á Íslandi í ágúst. Íslensk málnefnd er aðili að Nordterm, samtökum
norrænna íðorðastofnana, og á fulltrúa í stjórnarnefnd og vinnunefndum
samtakanna. Nordterm efndi til fundar í Gentofte í Danmörku í tengslum við ráðstefnuna
Nordterm 99, 13.–16. júní.
Íslensk málstöð tók þátt í tveimur verkefnum sem njóta styrkja úr MLIS-áætlun
Evrópusambandsins. Annað verkefnið nefnist Nordterm-net og lýtur að því að
safna saman sem flestum tölvutækum orðasöfnum á Norðurlöndum, einkum íðorðasöfnum,
og gera þau aðgengileg sem „Norræna orðabankann“ með einu og
sama viðmóti á Netinu og á geisladiskum. Að verkefninu standa norrænar íðorðastofnanir.
Ari Páll Kristinsson sótti vinnufund um verkefnið í Stokkhólmi 15.–16.
febrúar. Að hinu verkefninu standa íðorðastofnanir um alla Evrópu. Það er kallað
TDC-net og miðar að því að koma á Evrópuneti opinberra eða opinberlega viðurkenndra
stofnana sem fást við skráningu íðorða og íðorðaskráa.
Styrkir
Starfsemin hlaut nokkra styrki á árinu. Frá Mjólkursamsölunni í Reykjavík:
250.000 kr. (sbr. samstarfssamning við fyrirtækið). Frá Letterstedtska félaginu:
172.134 kr. til norræna málnefndaþingsins 1999. Úr Lýðveldissjóði: 300 þúsund kr.
til stafsetningarorðabókar; 300 þ.kr. til málfarsleiðbeininga á Netinu; 200 þ.kr. til
útgáfu greinaflokks um íslenska tungu. Úr Málræktarsjóði: 900 þ.kr. til málfarsbanka
Íslenskrar málstöðvar; 300 þ.kr. til stafsetningarorðabókar. Mjólkursamsalan
í Reykjavík færði málstöðinni fimm einkatölvur, móðurtölvu og prentara.
Umsagnir, álitsgerðir og amþykktir
Meðal umsagna, álitsgerða, samþykkta o.fl. sem stofnunin sendi frá sér á árinu
má nefna eftirfarandi:
Ábending Íslenskrar málnefndar (6. janúar) til Staðlaráðs Íslands viðvíkjandi útliti
bókstafsins ð í staðlinum ISO 3098. Bréf Íslenskrar málnefndar til Háskóla Íslands
(9. febrúar) þar sem þess er vinsamlega farið á leit að þess verði ekki krafist að
umsóknir um starf við Háskólann séu á ensku. Umsögn Íslenskrar málstöðvar
(19. febrúar), að beiðni menntamálanefndar Alþingis, um frumvarp til útvarpslaga.
Umsögn Íslenskrar málnefndar (16. mars), að beiðni menntamálaráðuneytis,
um tillögu fjármálaráðuneytis þess efnis að lögum um Íslenska málnefnd
verði breytt til samræmis við þá meginreglu laga nr. 70/1996 að forstöðumenn
stofnana skuli skipaðir af ráðherra. Umsögn Íslenskrar málnefndar (19. apríl), að
beiðni Norræns málráðs, um norrænt málsamstarf og hlutverk og frammistöðu
Norræns málráðs. Bréf Íslenskrar málnefndar til samgönguráðuneytis (22. júní)
viðvíkjandi birtingu á ákvörðunum og reglum, sbr. 140. gr. laga nr. 60/1998 um
loftferðir. Umsögn Íslenskrar málnefndar (30. ágúst) um tillögur menntamálaráðuneytis
um breytingar á 1. og 4. gr. málnefndarlaganna. Svar Íslenskrar málnefndar
(1. október) við erindi frá Háskóla Íslands viðvíkjandi endurskoðun á
reglugerð um Íslenska málnefnd og starfsemi Íslenskrar málstöðvar. Svar Íslenskrar
málnefndar (19. október) við erindi frá menntamálaráðuneyti um undirbúning
og staðfestingu opinberra stafsetningarreglna. Umsögn Íslenskrar málstöðvar
(20. október), að beiðni iðnaðarnefndar Alþingis, um frumvarp til laga um
breytingu á starfsheiti landslagshönnuða.
Guðrún Kvaran var tilnefnd aðalmaður í Norrænu málráði og Kristján Árnason til
vara fyrir tímabilið 2000–2002. Kristján Árnason var tilnefndur af hálfu Íslenskrar
málnefndar í starfshóp samgönguráðuneytis sem á að gera tillögur um framkvæmd
140. gr. laga nr. 60/1998 um loftferðir, og birtingu reglna í flugmálahandbók
og hvort þær skuli vera á íslensku eða ensku. Samþykkt var að franskt heiti
89