Árbók Háskóla Íslands 1999 - Háskóli Íslands

Erlent samstarf
Forstöðumaður tók þátt í ráðstefnu upplýsingastjóra norrænna háskóla sem haldin
var í Reykjavík í júní. Norræni skjalavarðahópurinn „Planeringsgruppen för
dokumenthantering och arkiv“ kom til landsins á NUAS-ráðstefnu háskólaritara
9.–10. ágúst og gerði grein fyrir könnun á langtímavarðveislu tölvugagna við norræna
háskóla. Fluttur var fyrirlestur á vegum Nordinfo í Stein kloster í Noregi í
mars, og Edda og Magnús tóku þátt í þingi norrænna háskólaskjalavarða í Ultuna
í Svíþjóð 23.–25. september. Auk þess sótti forstöðumaður ráðstefnu háskóladeildar
Alþjóða skjalasafnasamtakanna (ICA/SUV) í Haifa í Ísrael 30. ágúst – 2.
september.
Starfsmenn og laun
Starfsmannasvið er sú þjónustueining innan skólans sem annast sameiginleg
málefni starfsfólks, þar á meðal umsjón með ráðningum, launaafgreiðslu, kjaramálum,
fræðslu og starfsþjálfun. Undir sviðið heyra einnig önnur verkefni, s.s.
póstþjónusta og mötuneyti í Aðalbyggingu.
Launa- og kjaramál voru í brennidepli á árinu sem fyrr. Viðamikil verkefni hafa
færst til Háskólans frá fjármálaráðuneytinu á síðustu árum og hefur sjálfstæði og
ábyrgð skólans aukist verulega að þessu leyti. Með nýjum lögum um Háskóla Íslands
færast verkefni nú í auknum mæli yfir á skrifstofur deilda og stofnana
þannig að verkefni sviðsins einkennist meira en áður af ráðgjöf, samræmingu og
eftirliti.
Fastir starfsmenn Háskólans samkvæmt starfsmannaskrá eru um 780. Lausráðnir
stundakennarar, prófdómarar, aðjúnktar og starfsmenn stofnana Háskólans
með sjálfstæðan rekstur eru ekki inni í skránni. Auk þess vinna margir að
einstökum verkefnum á vegum skólans, s.s. við yfirsetu í prófum og nefndastörf,
þar á meðal í dómnefndum. Töluverð hreyfing var á ráðningum og voru gerðir um
500 ráðningarsamningar á árinu. Þeir voru að hluta til vegna nýráðninga og framgangs
í starfi, en einnig vegna rannsóknatengdra starfa en þar eru margir ráðnir
tímabundið, oft til skamms tíma. Þeim hefur fjölgað sem vinna við ýmiss konar
þjónustu á vegum stofnunarinnar, samt sem áður eru þeir hlutfallslega færri en í
öðrum sambærilegum háskólum.
Á árinu 1999 voru 3.119 einstaklingum greidd laun vegna starfa við Háskóla Íslands.
Heildarupphæð launa var 2.568.619.761 kr.
Skipting starfa við HÍ milli karla og kvenna
150
Fjöldi
100
50
0
Prófessorar
Dósentar
Lektorar
Stundakennarar
Sérfræðingar
Rannsóknafólk
Þjónustusérfræðingar
Skrifstofufólk
Tæknifólk
Karlar
Konur
Súluritið að ofan er unnið upp úr starfsmannaskrá Háskólans. Þar eru þeir
skráðir sem eru með a.m.k. þriggja mánaða ráðningarsamning. Tímavinnufólk og
lausráðnir stundakennarar eru ekki í skránni.
29