Árbók Háskóla Íslands 1999 - Háskóli Íslands

kerfum fyrir valinu að loknu útboði. Með nýju nethryggsbeinunum (Back-Bone)
fer bandbreidd Háskólanetsins úr 10 Mbit/s í 1000 Mbit/s milli Tæknigarðs og Aðalbyggingar
H.Í. og í 100 Mbit/s til annarra bygginga sem tengdar eru með ljósleiðara.
Búnaðurinn samanstendur af tveim Cisco 8500 beinum með 10 Gb/s afköstum
og Cisco 1924C netskiptum með 24 100 Mbit/s tengjum fyrir vír og einu
ljósleiðaratengi.
Mikilvægt fyrir Háskólanetið
Þýðing þessa fyrir Háskólanetið er ekki síst að það verður öruggara, auk þess
sem samskipti við miðlægar vélar verða mun betri. Þessu munu notendur sem
nota þungan hugbúnað sérstaklega finna fyrir.
Upplýsingaþjónusta
Háskólans
Almennt yfirlit um stjórnun
Hjá Upplýsingaþjónustu Háskólans (UH) starfar forstöðumaður í fullu starfi og ritari
í 70% starfi. Auk þess hafa námsmenn verið í hlutastörfum við hugbúnaðarþróun
og ýmsa aðstoð, einkum að sumarlagi.
Rannsóknir og þróunarstarf
Eins og undanfarin ár lagði UH megináherslu á tvö verkefni á árinu:
• Námsnet H.Í.
• Framleiðni í námi og fræðslu
Um er að ræða tvö náskyld verkefni. Vinna við það fyrra hófst í febrúar 1997 og
var það aðalviðfangsefni UH það árið. Það seinna er hugsað að miklu leyti sem
stuðningur við það fyrra.
Framleiðni í námi og fræðslu (FNF). Þetta verkefni er unnið í samvinnu við Kennaraháskóla
Íslands og níu framhaldsskóla sem njóta góðs af þeim upplýsingum
sem fram hafa komið í verkefninu. Tekið hefur verið saman mjög viðamikið efni
er spannar nánast alla þætti menntunar, kostnaðar og árangurs (yfir 600 vefsíður).
Efnið hefur að miklu leyti verið kynnt þátttökuskólum jafnóðum og það hefur
fundist eða verið þróað. Unnið er að því að koma þeim hluta þess sem telja má að
eigi erindi til innlendra skóla í einn eða fleiri heildarvefi á árinu.
Námsnet Háskóla Íslands (NNHÍ). Vinna við verkefnið hélt áfram í tengslum við
FNF. Á árinu var hafið sérstakt átak við að koma kennsluefni á Veraldarvefinn fyrir
allmarga kennara í læknadeild og stendur það allt skólaárið.
Aukin tengsl nema í rafmagnsverkfræði við innlent atvinnulíf.
Í samvinnu við rafmagns- og tölvuverkfræðiskor verkfræðideildar var hafinn undirbúningur
að því á árinu að þróa hugmyndir að „Þekkingarneti í rafmagns- og
tölvunarverkfræði". Um er að ræða átak til að efla mjög verulega tengsl skorarinnar
og námsfólks hennar við innlent atvinnulíf. Átakið tengist fyrirhuguðu námskeiði
innan skorarinnar, „Nám og störf í rafmagnsverkfræði", sem kennt verður
haustið 2000. Í því verður mjög byggt á nýjum hugmyndum, aðferðum og viðhorfum
varðandi þekkingarstjórnun, vefsamfélög sem og viðamikilli þekkingu og
upplýsingum sem safnað hefur verið um tengsl æðri menntastofnana og atvinnulífs.
Ráðgert er að þróa almenna fyrirmynd (módel) sem nýst geti miklu fleiri
deildum og skorum en fyrr greinir. Hugmyndir þessar hafa mælst afar vel fyrir í
innlendu atvinnulífi og er Fjárfestingarbanki atvinnulífsins m.a.þegar búinn að
lofa nokkrum fjárstuðningi.
Betri vinnubrögð
Stofnunin hefur haldið áfram af fullum krafti að bæta eigin vinnubrögð með góðum
árangri sem fyrr. Nú eru gögn sem tekin eru saman eða samin eru sett upp
sem vefsíður strax frá upphafi og því þegar í stað komið á miðlunarhæft form. Í
þessu felst mjög mikill vinnusparnaður og aukinn vinnsluhraði.
Kynningarstarfsemi
Kynningarstarf er fastur þáttur í fyrrgreindum aðalverkefnum UH (þ.e. NNHÍ og
FNF). Fjölda aðila, bæði í skólum, ráðuneytum og fjölmiðlum, sem talið er að geti
149