Árbók Háskóla Íslands 1999 - Háskóli Íslands

haft gagn af niðurstöðum og upplýsingum sem koma fram við vinnslu verkefnanna
eru send slík gögn í tölvupósti jafnóðum og þau hafa verið þróuð.
Að auki hafa verið haldnir fyrirlestrar fyrir ýmsa aðila, s.s. Félag hugvitsmanna
og rekstrardeild Háskólans á Akureyri.
Húsnæðismál
Húsnæði UH er þröngt en dugar vel þar sem aukin áhersla á notkun upplýsingatækni
hefur dregið mjög úr þörf fyrir húsrými. Að auki er það miðsvæðis sem
skiptir miklu fyrir möguleika á tíðum samskiptum við aðila innan H.Í. vegna þróunar
á námsneti H.Í.
Kennsla
Forstöðumaður UH kenndi námskeiðið „Nýsköpun og hönnun" fyrir þriðja árs
nema í rafmagnsverkfræði á vormisseri 1999. Í námskeiði þessu er beitt til hins
ítrasta þeim vinnubrögðum sem kynnt hafa verið sem „Samvinna kennara og
nemenda um námsgagnagerð". Námskeiðið er kennt í annað sinn skólaárið
1999/2000. Sú breyting hefur orðið að nemendum hefur fjölgað og taka nú þátt í
því nemar úr tölvunarfræði, viðskiptafræði og hagfræði auk nema í rafmagnsverkfræði.
Að auki sækja það nokkrir aðilar úr innlendu atvinnulífi og hefur reynst
mjög vel að blanda þannig saman fólki með víðtæka starfsreynslu og háskólanemum.
Ein megináherslan í námskeiðinu felst í því að beina verkefnavinnu
nemenda að þróun vefgagna sem nýtileg eru til frambúðar. Með þessu móti er
undirstrikað að nemendur séu ábyrgir þátttakendur í þróun námsins en ekki einungir
óvirkir viðtakendur eins og enn er of algengt í æðra námi.
Þjónusta við frumkvöðla
UH hefur frá árinu 1988 rekið stoðkerfi við frumkvöðla og þá sem vilja skapa sér
ný tækifæri í atvinnulífi. Ekki hefur verið lögð áhersla á að markaðssetja þessa
þjónustu á árinu vegna mikillar vinnu við fyrrgreind þróunarverkefni. Við bætist
stórbætt atvinnuástand og því hefur verið minni sókn í þjónustu af þessu tagi.
Nokkur verkefni hafa verið tekin fyrir og þau leyst hratt og vel þar sem að þjónustan
hefur verið tæknivædd til hins ítrasta og er hún nú rekin nánast algerlega á
Netinu.
150