Árbók Háskóla Íslands 1999 - Háskóli Íslands

kennslu og rannsókna og fyrir önnur störf í þágu Háskólans. Viðurkenningin fyrir
kennslu féll í hlut Páls Hreinssonar, dósents við lagadeild, viðurkenningin fyrir rannsóknir
var veitt Kesara Anamthawat-Jónsson, dósent við raunvísindadeild, og Brynjólfur Sigurðsson,
prófessor við viðskipta- og hagfræðideild, hlaut viðurkenningu fyrir langt og farsælt
starf í þágu byggingamála Háskólans. Rektor afhenti starfsmönnunum þremur viðurkenningarskjöl
og peningaverðlaun. Mæltist þessi nýbreytni vel fyrir og var starfsmönnunum
þremur klappað lof í lófa.
Opinn háskóli
Háskóli Íslands á víðtækt samstarf við fjölmarga aðila í atvinnu- og þjóðlífi jafnt innanlands
sem utan. Þetta samstarf hefur eflst mjög á undanförnum árum. Til dæmis má
nefna:
• Samstarf við stjórnvöld og opinberar stofnanir um sérfræðilega ráðgjöf á ýmsum fagsviðum,
faglegar umsagnir, álitsgerðir og þjónusturannsóknir.
• Samstarf við sveitarfélög og staði á landsbyggðinni um rannsóknir, kennslu og
nýsköpun, m.a. við Sandgerði, Hveragerði, Selfoss, Vestmannaeyjar, Kvísker í Öræfum,
Höfn í Hornafirði, Mývatnssveit, Akureyri, Hóla í Hjaltadal, Sauðárkrók, Bolungarvík,
Ísafjörð, Bifröst og Hvanneyri.
•Samstarf við fyrirtæki um kennslu, rannsóknir og þróunarstarf. Meðal fyrirtækjanna
eru: 3X-Stál, Aflvaki, Astra, Áburðarverksmiðjan, Ballard Inc., Borgey, Conexant,
Cyclops, Daimler-Chrysler, Eimskipafélag Íslands, Element, fiskvinnslustöðvar í
Vestmannaeyjum, Fiskeldi Eyjafjarðar, Flaga, Flugkerfi, Flugmálastjórn, Frjáls
fjölmiðlun, Fróði, Hugvit, Intís, Ísaga, ÍSAL, Íslandsbanki, Íslensk NýOrka/VistOrka,
Íslensk erfðagreining, Íslenska útvarpsfélagið, Kaupþing, Landsbankinn, Landssíminn,
Landsvirkjun, Lífshlaup, Lyfjaþróun, Lýsi, Marel, Máki, Mál og menning,
Mjólkursamsalan, Morgunblaðið, Norður, Norsk Hydro, Prentsmiðjan Oddi, Orkuveita
Reykjavíkur, Orkuveita Suðurnesja, OZ, Pharmaco, Pronova Biocare, Reykjavíkurhöfn,
Ríkisútvarpið, SÍF, Shell International, Steindórsprent-Gutenberg, Stiki, Stefja,
Taugagreining, Tryggingastofnun ríkisins, Urður Verðandi Skuld, Vaka-Helgafell, VÍS og
Össur.
• Samstarf við Reykjavíkurborg um ráðstefnur, þátttöku í verkefninu Reykjavík, menningarborg
Evrópu árið 2000, væntanlega stofnun Borgarfræðaseturs og sérfræðilega
ráðgjöf á ýmsum sviðum.
• Samstarf við almenning um menntun og fræðslu, en árlega eru haldnir við Háskóla Íslands
um 250 opnir fyrirlestrar, auk tuga málþinga og ráðstefna á 45 ólíkum fræðasviðum.
Háskóli Íslands er stærsti aðili á Íslandi á sviði sí- og endurmenntunar. Skráðir
nemendur hjá Endurmenntunarstofnun Háskóla Íslands eru um 12.000. Háskóli
Íslands heldur árlega námskynningu fyrir framhaldsskólanemendur. Í tengslum við
deildir Háskólans eru starfrækt fjölmörg hollvinafélög.
• Samstarf við íslenskar rannsóknastofnanir, m.a. við Hafrannsóknastofnun, Hollustuvernd
ríkisins, Iðntæknistofnun Íslands, Náttúrufræðistofnun Íslands, Norrænu
eldfjallastöðina, Orkustofnun, Rannsóknarráð Íslands, Rannsóknastofnun
byggingariðnaðarins, Rannsóknastofnun fiskiðnaðarins, Rannsóknastofnun
landbúnaðarins, Rannsóknastofnun uppeldis- og menntamála, Skógrækt ríkisins
Mógilsá, Veðurstofa Íslands og Veiðimálastofnun. Háskóli Íslands, Rannsóknarráð
Ísland og Iðntæknistofnun Íslands reka í sameiningu RIS – Rannsóknagagnasafn
Íslands sem er gagnabanki um íslensk rannsóknaverkefni.
• Samstarf við heilbrigðisstofnanir um rannsóknir og kennslu, m.a. við Landsspítalann,
Sjúkrahús Reykjavíkur og Krabbameinsfélag Íslands.
• Samstarf við aðra innlenda skóla á háskólastigi, m.a. um Samstarfsnefnd háskólastigsins,
um (fjar)kennslu og rannsóknir við Háskólann á Akureyri, Kennaraháskóla Íslands,
Samvinnuháskólann á Bifröst og Landbúnaðarháskólann á Hvanneyri og um
kennaramenntun við Háskólann á Akureyri og Kennaraháskóla Íslands.
• Samstarf við erlenda háskóla um rannsóknir, nemenda- og kennaraskipti. Á hverju ári
vinna kennarar og fræðimenn Háskóla Íslands að um 1300 rannsóknaverkefnum og
um þriðjungur þeirra er unninn í samstarfi við erlenda vísindamenn. Fastráðnir
kennarar við Háskóla Íslands dvelja að jafnaði þriðja hvert ár í eitt misseri við
rannsóknastörf við erlenda háskóla eða rannsóknastofnanir. Á síðastliðnum áratug
hefur fjöldi erlendra nemenda við Háskóla Íslands vaxið úr rúmlega 100 árið 1990 í 418
árið 1999 og Háskólinn býður þeim skipulega kennslu í íslenskri tungu og menningu. Í
gegnum Erasmus-áætlunina á Háskóli Íslands samstarf við 140 erlenda háskóla á
grundvelli 230 samninga og hann hefur gert tvíhliða samninga við 72 erlenda háskóla.
Auk þess á Háskólinn samstarf við 60 erlenda Háskóla gegnum Nordplus-áætlunina.
Árið 1999 var gerður samningur við 20 kanadíska háskóla sem eru í CREPUQsamtökunum.
Í gegnum Utrecht-netið á Háskóli Íslands samstarf við 23 háskóla í
Evrópu auk 16 háskóla sem eru aðilar að MAUI-netinu í Bandaríkjunum. Háskóli
Íslands er einnig aðili að ISEP-samtökunum sem opnar honum leið til samstarfs við
100 háskóla í Bandaríkjunum.
12