Árbók Háskóla Íslands 1999 - Háskóli Íslands

lag og starfsánægju hjá íslenskum hjúkrunarfræðingum. Páll Biering sérfræðingur,
og Birna G. Flygenring lektor, unnu könnunina sem er ólokið enn. Starfsmenn
Rannsóknarstofnunarinnar veita ráðgjöf til hjúkrunarfræðinga sem vinna að
rannsóknum á starfsvettvangi sínum og starfa sumir kennarar námsbrautar í
hjúkrunarfræði einnig með þeim. Sérfræðingur stofnunarinnar veitti ráðgjöf til
hjúkrunarfræðinga vegna fjögurra rannsókna árið 1999.
Kynningarstarfsemi
Rannsóknarstofnun í hjúkrunarfræði var fyrst kynnt við opnun sína 7. maí 1997,
og var þá sett upp spjaldsýning um rannsóknir kennara. Kynningarefni er á
heimasíðu námsbrautarinnar (www.hi.is/pub/hjukrun). Stofnunin hefur verið
kynnt tvisvar í Tímariti hjúkrunarfræðinga og einu sinni í Fréttabréfi Háskóla Íslands,
í Curator, blaði hjúkrunarnema, í Ríkisútvarpinu, á fundi með Hollvinum
námsbrautar í hjúkrunarfræði, og fyrir hópi hjúkrunarkennara frá Östfold í Noregi
í desember 1999. Auk þess hefur verið tekið saman yfirlit á ensku um rannsóknir
kennara.
Útgáfustarfsemi
Rannsóknarstofnun í hjúkrunarfræði annast útgáfu fræðirita og leggur til nafn sitt og
merki á ritverk um hjúkrunarfræði. Ritstjóri er Herdís Sveinsdóttir og samdi hún
leiðbeiningar fyrir höfunda, sem óska eftir að birta verk sín á vegum stofnunarinnar.
Þrjú fræðirit á vegum stofnunarinnar komu út á árinu 1999. Þau eru:
• Breyting á skipulagsformi hjúkrunar: Innleiðing og árangur einstaklingshæfðrar
hjúkrunar í hjúkrun lungnasjúklinga eftir dr. Helgu Jónsdóttur.
• Spor, greinar eftir Guðrúnu Marteinsdóttur sem lést 1994. Sóley S. Bender og
Marga Thome ritstýrðu.
• Geðheilsuvernd mæðra eftir fæðingu: Greining á vanlíðan með Edinborgarþunglyndiskvarðanum
og viðtölum eftir Mörgu Thome.
Fræðslustarfsemi
Á vegum stofnunarinnar eru skipulagðar málstofur í hjúkrunarfræði, opinberir
fyrirlestrar, vinnusmiðjur og fræðslufundir fyrir meistaranema og kennara og
heimsóknir erlendra fræðimanna. Eftirfarandi fræðslustarfsemi fór fram árið
1999:
Málstofur
• Helga Sæunn Sveinbjörnsdóttir, verkefnisstjóri á hjúkrunarsviði hjá Heilbrigðisstofnun
Austurlands: „Þvagleki hjá konum 55 ára og eldri í Egilsstaðalæknishéraði“.
• Elín Margrét Hallgrímsdóttir, sérfræðingur við Rannsóknastofnun Háskólans á
Akureyri: „Viðhorf og reynsla slysa- og bráðahjúkrunarfræðinga af fjölskyldumiðaðri
hjúkrun“.
• Linda Kristmundsdóttir, hjúkrunarfræðingur: „Upplifun foreldra af því að búa
með einstaklingi sem hefur verið greindur með „borderline“ persónuleikaröskun“.
• Páll Biering, hjúkrunarfræðingur: „Meðvirkni og hjúkrun: Hvernig nýtist
hjúkrunarfræðingum sú sársaukafulla reynsla að alast upp við alkóhólisma?“
Opinberir fyrirlestrar
• Marjorie A. White, RN, FAAN, fyrrverandi prófessor við Floridaháskóla í
Bandaríkjunum: „Ofbeldi í samfélaginu og fjölskyldunni: Hvað liggur að baki?“
• Jane Robinson, RN, FAAN, prófessor og ritstjóri Journal of Advanced Nursing:
„The World Bank and the World Health Organization: Different Sources of
Ideas, Different Policies for Health“.
• Connie Delaney, RN, FAAN, Associate Professor, The University of Iowa,
Bandaríkjunum: „The New World in Nursing“.
Ein vinnusmiðja var haldin á árinu, með Jane Robinson, prófessor og ritstjóra
tímaritsins Journal of Advanced Nursing: „Publishing in the Journal of Advanced
Nursing“.
5 umræðufundir (semínör) voru haldnir fyrir kennara og M.S.-nema, og M.S.-
nemar hafa einnig kynnt verkefni sín fyrir kennurum og samnemendum sínum.
Fjármál
Rekstur stofnunarinnar hefur verið fjármagnaður af heildarfjárveitingu til námsbrautar
í hjúkrunarfræði og ákvarðar fundur í námsbrautarstjórn upphæðina.
Önnur starfsemi, eins og heimsóknir erlendra gesta og útgáfa fræðirita, hefur
verið fjármögnuð með gjafafé. Í tilefni af 25 ára afmæli námsbrautar í hjúkrunar-
115