Árbók Háskóla Íslands 1999 - Háskóli Íslands

sem nafni Háskóla Íslands er haldið á lofti. Háskólabíó greiðir ákveðið hlutfall af
tekjum sínum í Sáttmálasjóð sem notaður er til að styrkja háskólakennara til
fræðistarfa.
Starfsemi fyrirtækisins er fjölþætt: Kvikmyndasýningar, verslunar- og veitingarekstur,
rekstur tveggja myndbandadeilda, föst leiga á húsnæði til Landsbanka
Íslands, Háskóla Íslands og Sinfóníuhljómsveitar Íslands. Auk þess er nokkuð um
aðra leigu á húsnæði en einnig á tækniútbúnaði og starfsfólki í tengslum við ráðstefnur,
tónleikahald og margvísleg fundarhöld.
Hjá Háskólabíói starfa að jafnaði 60 starfsmenn en stöðugildi eru 35 að jafnaði á
ári. Framkvæmdastjóri Háskólabíós er Einar S. Valdemarsson, markaðsstjóri er
Ægir Dagsson og yfirmaður myndbandadeildar er Leó Pálsson.
Háskólaútgáfan
Starfsemi útgáfunnar var með svipuðu sniði og síðustu ár. Heildarfjöldi útgáfuverkefna
var tæplega 60. Þar af var fjöldi nýrra bóka alls 43, endurútgáfur fjórar,
rit í dreifingu fyrir aðila er tengjast H.Í. fimm. Önnur útgáfuverkefni af ýmsum
toga fyrir aðila innan Háskóla Íslands voru u.þ.b. sjö. Háskólaútgáfan er þriðja
stærsta útgáfa landsins ef litið er til fjölda útgefinna titla. Umfangsmesta ritið sem
útgáfan hefur sent frá sér til þessa leit dagsins ljós á árinu, en það var Heimspekisaga
etir Gunnar Skirbekk sem kom til landsins í tilefni af útgáfunni. Hér er
um að ræða 750 bls. ritverk, ríkulega myndskreytt sem spannar sögu heimspekinnar
frá dögum Forn-Grikkja til samtímans. Bókin hlaut hvarvetna jákvæða umfjöllun
í fjölmiðlum sem gengu svo langt að kalla útgáfu hennar menningarviðburð.
Á árinu var hafinn undirbúningur að því að útgáfan annaðist umsjón með og
framleiðslu á Kennsluskrá H.Í. og mun vinnsla hennar vafalítið skipa stóran sess
á verkefnalista útgáfunnar á komandi árum. Bóksala ársins nam alls um 15.000
eintökum. Starfsmenn eru þrír.
Hollvinasamtök
Háskóla Íslands
Starfsár Hollvinasamtaka Háskóla Íslands stendur frá 1. desember til jafnlengdar
næsta ár og miðast eftirfarandi yfirlit við það. Aðalfundur Hollvinasamtakanna var
haldinn 1. desember 1998 og var kjörin ný stjórn til tveggja ára. Anna Ólafsdóttir
Björnsson, sem hafði verið gjaldkeri samtakanna, gaf ekki kost á sér áfram og í
stað hennar gekk Bjarni Ármannsson til liðs við stjórnina. Af aðalfundi voru
einnig kjörin í stjórn Ragnhildur Hjaltadóttir og Steingrímur Hermannsson. Aðrir
stjórnarmenn eru Sigmundur Guðbjarnason sem kjörinn er af háskólaráði og
Kjartan Örn Ólafsson kosinn af Stúdentaráði Háskóla Íslands. Ragnhildur Hjaltadóttir
gegndi áfram formennsku á árinu, varaformaður var Sigmundur Guðbjarnason
og gjaldkeri Bjarni Ármannsson. Með stjórninni hafa einnig starfað formenn
Stúdentaráðs, Ásdís Magnúsdóttir og Finnur Beck, svo og fulltrúi rektors,
Jörundur Guðmundsson. María E. Ingvadóttir varð við beiðni stjórnar um að vera
varamaður í henni til tveggja ára og hefur hún starfað með stjórninni síðan.
Framkvæmdastjóri Hollvinasamtakanna er Sigríður Stefánsdóttir. Á árinu bættist
eitt hollvinafélag í hópinn, Vox academica en í því félagi eru gamlir félagar Háskólakórsins.
Stjórnarstörf
Stjórnin heldur reglulega stjórnarfundi. Þess á milli hafa formaður og einstakir
stjórnarmenn átt fundi með framkvæmdastjóra. Formaður og framkvæmdastjóri
hafa einnig átt fundi með ýmsum sem áhuga hafa á að leggja samtökunum lið í
fjáröflun og innra starfi. Fulltrúaráð Hollvinasamtaka Háskóla Íslands kom saman
í Skólabæ hinn 12. mars 1999. Umræður þar urðu uppspretta að hollvinadögunum
„Forvarnir – nýr lífsstíll“ sem samtökin og hollvinafélög heilbrigðisgreinanna
stóðu að.
139