Árbók Háskóla Íslands 1999 - Háskóli Íslands

þeirra kenndu á námskeiðinu Jón Skaptason og Torfi H. Tulinius. Þá átti málstöðin
þátt í því með fulltrúum Háskóla Íslands að skipuleggja fyrirhugaða námsbraut í
þýðingum við Háskólann.
Samvinna við Mjólkursamsöluna
Nýr samstarfssamningur Íslenskrar málnefndar og Mjólkursamsölunnar í
Reykjavík var undirritaður 21. mars og var Íslenskri málstöð þá formlega afhentur
nýr tölvubúnaður. Samvinnan við Mjólkursamsöluna lýtur að ýmsu er varðar
íslenskt mál.
Íslenskun á tölvuhugbúnaði
Menntamálaráðuneytið óskaði þess í bréfi, dags. 21. apríl, að Íslensk málstöð
tæki að sér að annast eftirlit með íslenskri þýðingu á Windows-kerfishugbúnaði
frá Microsoft, í samræmi við ákvæði í samningi ríkisins við fyrirtækið frá 20. janúar.
Samkvæmt samningnum hefur menntamálaráðuneytið rétt til að yfirfara
þýðinguna og gera tillögur um breytingar. Málstöðin myndaði þriggja manna sérfræðingahóp
(í honum voru Ari Páll Kristinsson, Jóhanna Margrét Guðjónsdóttir
og Sigrún Helgadóttir) sem vann að eftirlitsverkefninu ásamt tæknilegum ráðgjafa
sínum (Stefáni Briem). Microsoft hafði í árslok ekki gefið út íslenska þýðingu hugbúnaðarins.
Viðurkenning
Hinn 17. júní hlaut Íslensk málstöð heiðursviðurkenningu Lýðveldissjóðs 1999
„fyrir lofsverð störf að eflingu íslenskrar tungu“.
Málþing
Íslensk málnefnd annaðist undirbúning og framkvæmd norræna málnefndaþingsins
1999 í samvinnu við Norrænt málráð. Það var haldið á Höfn í Hornafirði
27.–29. ágúst. Aðalumræðuefni þingsins var að þessu sinni „Sambúð dönsku,
norsku og sænsku við önnur tungumál á Norðurlöndum“. Meðal þinggesta var
Guðríður Sigurðardóttir, ráðuneytisstjóri í menntamálaráðuneyti, sem var sérstaklega
boðið. Hún flutti upphafserindi þingsins og fjallaði um mikilvægi þess að
viðhalda hinu norræna málsamfélagi. Þingið sátu fulltrúar allra norrænna málnefnda
og Norræns málráðs, auk áheyrnarfulltrúa frá Norðurlandastofnuninni í
Finnlandi (Nordens institut i Finland). Þátttakendur á málnefndaþinginu voru 42.
Flutt voru 8 erindi. Af hálfu Íslenskrar málnefndar sóttu þingið Baldur Jónsson,
Guðrún Kvaran, Kári Kaaber og Kristján Árnason sem flutti erindið „Skandinavisme
og islandsk sprogpolitik“.
Íslensk málnefnd beitti sér í fjórða sinn fyrir málræktarþingi undir merkjum dags
íslenskrar tungu, að þessu sinni í samstarfi við Samtök móðurmálskennara og
Rannsóknarstofnun Kennaraháskóla Íslands. Þingið var haldið í hátíðasal Háskóla
Íslands 20. nóvember og var efni þess „Íslenskt mál og menntun“. Baldur
Jónsson setti þingið og síðan flutti menntamálaráðherra ávarp. Kristján Árnason
flutti erindið „Íslenska í vísindum og æðri menntun“, Sigríður Sigurjónsdóttir erindið
„Máltaka barna“, Guðni Olgeirsson kynnti aðalnámskrár og Anna Þorbjörg
Ingólfsdóttir, Hildur Heimisdóttir og Knútur Hafsteinsson fjölluðu um íslensku í
leikskóla, grunnskóla og framhaldsskóla. Tryggvi Gíslason flutti erindi sem hann
nefndi „Málrækt í ljósi fortíðar og skugga framtíðar“. Þá voru pallborðsumræður
undir stjórn Baldurs Sigurðssonar. Þátttakendur voru: Björn Bjarnason, Börkur
Hansen, Eygló Eyjólfsdóttir, Jón G. Friðjónsson, Svanhildur Sverrisdóttir og Sigurður
Konráðsson. Fundarstjóri, Ingibjörg Einarsdóttir, sleit þinginu.
Kynningarmál
Dóra Hafsteinsdóttir kynnti vef og orðabanka Íslenskrar málstöðvar 9. mars á
námskeiði Endurmenntunarstofnunar Háskóla Íslands um tækninýjungar og
hagnýtingu orðabanka á Netinu við þýðingar. Dóra kynnti orðabanka málstöðvarinnar
á ráðstefnu Hagþenkis á degi bókarinnar, 23. apríl. Baldur Jónsson, Dóra
Hafsteinsdóttir og Kári Kaaber sóttu norræna ráðstefnu um orðabókarfræði í
Gautaborg 26.–29. maí. Dóra Hafsteinsdóttir sagði frá íðorðastarfi á Íslandi á ráðstefnu
Nordterm í Gentofte í Danmörku 16. júní. Baldur Jónsson flutti erindið
„Hornfirska vegin og metin“ á ráðstefnu um skaftfellskan framburð og málfar á
Höfn í Hornafirði 30. október. Ari Páll Kristinsson flutti erindi um starfsemi og
málfarsráðgjöf Íslenskrar málstöðvar á fundi með starfsmönnum Norsks málráðs
í Ósló 25. nóvember. Dóra Hafsteinsdóttir kynnti orðabanka Íslenskrar málstöðvar
á námstefnu um tungutækni í Stokkhólmi sem var haldin 3.–4. desember.
Íðorðastarf
Mikið af starfsemi Íslenskrar málstöðvar er á einhvern hátt tengt íðorðastörfum.
88