Árbók Háskóla Íslands 1999 - Háskóli Íslands

3. Framtal um störf prófessora til Kjaranefndar.
4. Skil vegna aðlögunarsamkomulags Háskólans og stofnana hans og Félags
háskólakennara.
5. Skil á gögnum vegna ritaskrár háskólamanna á leitarvef á Netinu.
6. Skil á erlendu efni til Landsbókasafns Íslands - Háskólabókasafns vegna
skráningar í Gegni.
Rannsóknasjóður
Vísindanefnd Háskólans fer með stjórn Rannsóknasjóðs Háskóla Íslands. Úr honum
geta kennarar og sérfræðingar fengið styrki til vel skilgreindra verkefna, ef
þau teljast hafa álitlegt vísindagildi að mati sérfróðra umsagnaraðila, ef fyrri störf
umsækjanda sýna að hann er líklegur til að ná árangri, og full skil hafa verið gerð
með framvinduskýrslum um nýtingu fyrri styrkja, sem sjóðurinn hefur veitt umsækjanda.
Tafla 2 – Heildarupphæð umsókna og úthlutana úr Rannsóknasjóði
1996–2000 (m.kr. á verðlagi hvers árs)
Umsóknir Úthlutun Hlutfall Meðalupph.
m.kr. m.kr. % styrks þ.kr.
1996 200 71 36 394
1997 214 70 33 383
1998 199 78 39 413
1999 225 80 35 444
2000 203 92 45 599
Rannsóknasjóður skiptist í þrjár deildir eða undirsjóði, þ.e. almennan sjóð,
skráningarsjóð og sjóð sem veitir styrki til tímabundinnar lausnar frá kennslu.
Tölurnar hér að ofan eiga eingöngu við um hinn almenna hluta sjóðsins.
Almennur sjóður
Úr almenna sjóðnum eru veittir verkefnatengdir styrkir til að greiða laun aðstoðarmanna,
yfirvinnu umsækjenda og annan kostnað við rannsóknir, s.s. efni, aðkeypta
þjónustu og í einstaka tilfellum ferðir. Fyrir árið 2000 hefur um 80% fjárins
verið veitt til að greiða laun aðstoðarmanna.
Skráningarsjóður
Skráningarsjóður styrkir fræðileg skráningarverkefni og verkefni sem felast í
fræðilegri úrvinnslu og framsetningu upplýsinga. Gerðar eru sömu kröfur til umsækjenda
um fræðilega hæfni og reynslu. Ein meginforsenda styrkveitinga er að
verkefnið sé líklegt til að styrkja og auðvelda háskólarannsóknir á viðkomandi
sviði. Þessi sjóður hefur hingað til nær eingöngu styrkt verkefni á borð við gerð
gagnagrunna sem fela í sér úrvinnslu og/eða flokkun ganga án þess að það leiði
til sjálfstæðrar birtingar niðurstaðna. Fyrir árið 2000 er alls úthlutað 400 þ.kr. úr
skráningarsjóði.
Lausn frá kennslu
Heimilt er að veita styrki til kennara sem vilja losna tímabundið frá kennsluskyldu
eitt eða tvö misseri í senn. Styrkurinn miðast við dagvinnulaun kennarans fyrir
kennslu og greiðist viðkomandi deild eða námsbraut. Þeim sem hljóta styrk er
óheimilt að sinna annarri kennslu en þeirri sem felst í umsjón með rannsóknanámi
framhaldsnema. Fyrir árið 2000 er alls úthlutað um 1,3 m.kr. til lausnar frá
kennslu.
Tækjakaup
Til Rannsóknasjóðs má sækja um fé til kaupa á tækjabúnaði sem er nauðsynlegur
til einstakra rannsóknarverkefna. Féð kemur úr Tækjakaupasjóði Háskólans.
Fyrir árið 2000 er úthlutað 2,7 m.kr. eftir þessari leið.
Vinnumatssjóður
Vinnumatssjóður var stofnaður 1989 og byggist hann á kjarasamningi Félags háskólakennara
og fjármálaráðherra. Allir sem eru í Félagi háskólakennara og í
meira en 50% starfi eiga rétt á vinnumatslaunum. Sjóðurinn greiðir þeim félagsmönnum
viðbótarlaun sem sýnt hafa árangur í rannsóknum skv. metnum eining-
21