Nº 1991 - Asociación de Escritores en Lingua Galega

que aplica a súa finura estética a diversos escritores e temas literarios galegos;
Carmen Ríos Panisse con precisos traballos publicados en «Festa da Palabra
Silenciada», «Boletín Galego de Literatura», etc; Carmen Hermida, que centra as súas
análises no S. XIX, no que baseou a tese doctoral; Marisa Andrade; Isabel Mouriz;
Mª Xosé Porteiro; Manuela Pena; Teresa Barro, que ademáis é autora dun libro, moi
intimista, sobre Rosalía; Consuelo García Devesa, que se centra no estudo do
Renacemento en Galiza ou Manuela Palacios, que ten a tese de doutoramento
sobre Virginia Woolf e traballos sobre E. Dickingson e Shakespeare, e outras
moitas.
A marxe da literatura e a lingua, que son o campo de labor preferido polas
ensaistas galegas, aparecen cultivados outros temas como a Imaxe e Fotografía,
ámbito traballado por Margarita Ledo Andión ou Mª Antonia Muñoz na análise da
Publicidade; Do estudo do Xornalismo, pola propia Margarita Ledo, Begoña
Caamaño e outras; da ciencia a Metodoloxía, representado por Mª Pilar Aleixandre;
da filosofía, da man de Mª Xosé Agra ou a recentemente desaparecida Hipólita
López; das artes plásticas, consideradas, entre outras, por Anxeles Penas, que na
súa doble vertente de literata e escultora, cultiva tamén o ensaio literario.
A antropoloxía está representada polo libro «Cousas de Mulleres», unha análise,
desde o feminismo, das mulleres na aldea galega, no que se desmitifica o mito do
matriarcado galego. A autora, Lourdes Mendez, é profesora na Universidade do
País Vasco e fixo con ese traballo, nunha aldea do Concello de Abadín en Lugo,
a tese de doutoramento presentada na Universidade de Paris VIII, en 1985. Esta
autora é un caso aparte. E filla de emigrantes galegos pero o libro está escrito en
castelán, así como outros traballos que son traducidos e publicados en «Encrucillada»
ou «Festa da Palabra Silenciada»
Sei que deixo a un lado, por custión de tempo e espacio e, tal vez por
indeliberado esquecemento, a algunhas das ensaistas galegas. Pero este traballo
non é máis que unha aproximación a un tema que debe ser tratado polo miúdo.
GALEUZCA
29