22. Estudios y rechiras arredol d´a lengua aragonesa y a suya ...

ESTUDIOS E RECHIRAS ARREDOL D'A LUENGA ARAGONESA
b) De begadas se cuaterna una manca d'esautitú ta definir un feito u prozeso
cheolochico concreto. Isto fa que muitas parolas que sí tienen un uso prautico
esclatero ta la chen que las emplega cutianamén, no tiengan posibilidá
d'emplego zentifico, o que esmerma o lumero de parolas orichinals e obliga á la
creyazión de neolochismos u á l'adautazión de parolas foranas.
c) Por más parolas que a luenga aragonesa teñese, ye imposible replegar
toda la enorme bariedá de prozesos e fenómenos cheolochicos como esisten, asinas
que cal establir as normas de creyazión-adautazión de nuebas parolas que
implan ixe buedo d'a nuestra (y de cualsiquier atra) luenga.
2.1. O caso d'o catalán
En Cataluña se disposa autualmén d'un gran dizionario de cheolochía
(Riba, 19971. Ye un bolumen con 24 000 dentradas, una parti de bocabulario
inberso inglés-catalán e bels anexos con figuras cheolochicas chenerals que
adibe as correspondiens traduzions.
Cal dezir que dende meta d'o sieglo pasau s"han feito replegas de bocables cheolochicos
en sentiu ampio. Añadas dimpués, e dende l'ambito unibersitario, istas
replegas s'han feito temáticas considerando as diferens disziplinas cheolochicas.
Ye normal que os lizenziaus catalans faigan as suyas tesis dotorals en catalán e
tamé disposan de bellas rebistas zentificas feitas de raso en catalán, con o que
l'emplego d'o catalán a libel unibersitario ye cutiano. Muitas obras de dibulgazión
han estau feitas en a suya luenga con o que se fa plegar ta la chen os conoximens,
parolas e neolochismos que se han incorporau á la luenga catalana.
O tema, alazetal, d'a tabla d'o tiempo s'ha tratau interdisziplinarmén entre
espiertos en cheolochía y en filolochía. Os resultaus s'amostran en Reguant
(1988).
Atro punto de biesta importan ye o comentau por Riba (1997) cuan fabla,
á la ora de fer un dizionario d'istas carauteristicas, no sólo que de replegar toz
os términos relatius a las zenzias d'a Tierra dende a pespeutiba zentifica sino
que tamé dende a cultural catalana. Ye dizir, no cal replegar u adibir neolochismos
á la nuestra luenga pensando en castellano u inglés sino que cal fer-lo
dende a nuestra traza de bier e interpretar o mundo.
2.2. L'aragonés
2.2.1. Estau d'a custión
Como ya s'ha dito en o primer trestallo, encara que esiste a posibilidá de
escribir articlos de rechira cheolochica en aragonés en bellas rebistas zentificas,
en a prautica isto ye imposible ya que no disposamos de muitos conzeutos
alazetals como os que se refieran á la escala d'o tiempo, á rasgos teutónicos u
petrolochicos, ezetra. Pero encara más grau que ixo ye que manca una funda
replega de os bocables aragoneses que s'emplegan e que en tienen de balura ta
escribir cheolochía de traza rigurosa.
Si miramos en os treballos dica agora publicaus trobamos muitas replegas
(Santolaria, 1980; Ara, 1992; Chueca e Lampre, 1994; Belmonte, 1999; Prames,
2000...) pero continan estando pocas y, antimás, a mayoría no son estadas feitas
por espezialistas en cheolochía, o que fa que muitas d'as parolas erplegadas
no tiengan un senificau esauto e útil.
Como ya s'ha dito, tampó no disposamos d'una adautazión de términos alazetals
ta debantar un treballo de rechira, como son os relatibos á la tabla d'o
178