22. Estudios y rechiras arredol d´a lengua aragonesa y a suya ...

III TROBADA (UESCA-ALQUEZRA, 2001)
De a mesma traza, tamién podemos oserbar una imbersión parellana entre
os temas de dos sintagmas nomináis, un d'ers en funzión de nucleyo, e l'altro,
de termino preposizional: "Los ladróns de los lobos nunca t'han pillán dormindo"
(p. 25); "M'amanecié un troximán de crío que metíu en la romana dié
ventitrés libras" (p. 35);"[...] un diaple de recién nacía betiello ibi-era" (p. 140).
En un caso cal que cuaternemos l'emplego d'un nombre coleutibo en
lumero singular (mes a preposizión de) en cuenta d'un achetibo calificatibo en
plural: "\pobretalla de mullésV (p. 132) en o puesto de 'pobras mullers' (anque
a forma cuaternata tien un caráuter claramén despeutibo).
Gosa amanexer a preposizión de de traza plconastica en o indefinito los de
demás (asinas en as pp. 23, 36, 49, 98, 136 e altras). Lo de demás, con o sendito
de 'o resto', puede leyer-se en a pachina 147. Ista carauteristica, propia de rechistros
populars, ye documentata, per o menos, en aragonés ozidental (cheso, aragonés
residual de as Zinco Billas...) e tamién en aragonés oriental (benasqués).
Per altro costato, ye frecuén a omisión de bels elementos de a frase u o sintagma.
Asinas o elemento que mes á soben desaparex ye a preposizión de. Dita elisión,
encara que pueda documentar-se en altras modalidaz cheograficas de o
idioma aragonés, ye muito carauteristica de o complexo dialeutal ozidental á o que
pertenex o cheso. Iste fenómeno ye tan cheneral que emos dezidito de no estrafollar
guaire espazio cuaternando lo que no cal cuaternar. Con leyer o tetulo de o
libro -L'hombre l'onset- ya en ye prou. Á despeito de o dito, irnos, sin dembargo,
zitar-ne un caso per o suyo caráuter condizional e as repercusions sintauticas que
isto pueda tener: Haberlo sabíu 'si lo plegó á saper, d'aber-lo sapito' (p. 59).
Altros elementos eliditos son os articlos determinatos:
"Reculan, tornan y, por si no nTiesen pro, encima patas zagueras se deuantan pa
dixarsen cayer..." (p. 30)."[...] y sin d'encomendarse ni a Dios ni a diaple" (p. 74). "|...]
chuntos nos ne fuemos de repatáns y chuntos estiemos cinco añadas por puerto y la
ribera..." (p. 133)."(.. .| pillo lo morral y, con lo cultro en faxa y tocho en zarpa" (p. 140).
U indeterminatos:
"enta güen puesto" (p. 27). "y por cada cosa que diciba, Chesús me soltaba gofetada"
(p. 74). "I...I y a lo calor de bellos enzendallos, me facié miqueta almuerzo"
(p. 131). En do i faltan una e tamién de. "[...] si no he caseta, a'l raso dormiré
debaxo manto éntrelas" (p. 138). A perduga de l'articlo tamién se produze chuntamamén
con a de a preposizión.
Una parella de formas alcorzatas
Nos ha trucato l'atenzión o feito de que aparexca en uns cuantos casos ca,
forma alcorzata de casa. Creyemos pertenexe á un rechistro lingüístico familiar
u coloquial. A mesma forma s'emplega en catalán (mes que mes deban de bel
antroponimo e tot soben amalgamata con en/na, ixa mena d'articlo que sólo amanexe
deban de os nombres de persona: Ca'n Joan), u en altros muitos puntos de
a cheografía ispana. Per exemplo, en zonas de luenga castellana de a Comunidá
Balenziana (yo lo he ascuitato en Cheste) u en ampios dominios d'Andaluzía. 7
"I...1 la cachimalla yera toda de ploro y moco... ¡y solez en cá!" (p. 49). "I...1 y,
allora, encarrañáu, pillé la puerta y fuyé ta cá" (p. 102). "Como podié, li segudié
7 Informazion.s pregonáis, i¡:ii:ilmcii.
193