22. Estudios y rechiras arredol d´a lengua aragonesa y a suya ...

III TROBADA (UESCA-ALQUEZRA, 2001)
Todas ístas imáchens sobre a muerte rematan cristalizando-ie en o conoxito
cuadro de Brueghel O Bicllo O trunfo de a muerte. Alufrando iste cuadro,
l'autor mos amuestra o suyo trestuque por una custión alazetal ta ra nuestra
luenga, o paso d'o tiempo, o carpe diem:
Más adebán, un atro escleto amuestra en a suya man un reloch d'arena. O
tiempo se'n fuye. ¡Aprobeita istas oras sin guambras que prezeden á o lusco!
S'imposa a nesezidá de fuyir d'as guambras, antis de que o tiempo mos afogue:
Antis de que o zaguer grano d'arena caiga en o reloch de a canabasta, abré de
dar suela á os caballos negros d'a escritura. [...I Que as mías parolas prengan
pespeutiba de fuga y fuigan de a postema negra d'o silenzio.
Antis de rematar iste primer cabo, l'autor mos rezenta a suya intinzión de
construyir un triptico-nabata de tres trampos. O primero, ya cuasi rematato, ye
estato adedicato á ra postema negra. O segundo cabo:
[...| desembolicará o tema d'ixa postema de silenzio que ye acotolando a nuestra
luenga.
En iste caso sí que se trata d'una metáfora más pura e direuta. Pero no
menos menazán. Contra iste nuebo mostrugo luitan chuntos fablans e escritors.
O lenguache ye á ormino pleno d'imáchens poéticas de sosprendén efeutibidá:
(Como un rolde de biellos guerrers que teñesen as alchabas fartas de letras
feritas e sayetas con puntas bozudas).
De feito, a morfuga poética s'ixemena á o largo de tota ra obra. Pero a
intensidá e profusión d'iste lenguache poético se fa más presen en as partís primera
e terzera. A poesía e as rebindicazions lingüisticas son estatas dos firmes
alazez en a trayeutoria literaria de Chusé Inazio Nabarro, qui ye antimás autor
d'un treballo que reculle tota una tendenzia istorica en a literatura en aragonés.
2
Zagueramén, o terzer cabo s'adedicará á ra mena de postema más autual e
amanata á nusatros. A postema porzina u animal emplegata como una berdadera
arma arrulladera, como ya beyeremos.
Ta rematar iste primer cabo, l'autor busca un poliu símil ta referir-se á ra
literatura en aragonés en cheneral, e á os suyos escritors en particular. Iste elemento
simbólico ye a "nabata":
Una nabata en a que irnos amontatos toz os escritors -pasatos, presens y futuros-
que en ista luenga dixoron, dixamos y dixarán un rastro de suenios y parolas...
:
Chusé Inazio Nabarro, "As rebindicazions lingüisticas en a poesía en aragonés". Alcuet [Uescal. 1
(1989), pp. 99-147.
265