22. Estudios y rechiras arredol d´a lengua aragonesa y a suya ...

Bels comentarios sobre Tríptico
de os tiempos de a postema, de Chusé Inazio
Nabarro (de Tansayo que se fa nabata)
Roberto Cortés Alonso
Consello d'a Fabla Aragonesa I Ligallo de Fablans de ¡'Aragonés
Chusé Inazio Nabarro (naxito en Tauste, Zinco Billas, 1962) ye uno d'os
autors más prolificos e sobresaliens de l'autual literatura en aragonés, tanto
como poeta, como narrrador. A obra á comentar, Tríptico de os tiempos de a postema,
ye encluyita en una obra coleutiba clamata Nuei de tiedas.'
En iste bolumen amanixen as obras d'onze narradors aragoneses (Rafel
Bidaller, Carmen Castán, Ánchel Conté, Carlos Diest, Nieus Luzía Dueso Lascorz,
Chusé Inazio Nabarro, Francho Nagore, Ánchel Loís Saludas, Ana Tena
Pui, Chabier Tomás e Chusé Raúl Usón), que dezidión achuntar-se en o lugar de
San Chuan de Plan ta leyer os suyos rilatos en a máchica nuei d'a sanchuanada.
Tríptico de os tiempos de a postema ye, sobre tot, una colezión de preguntas
que toz mos femos respeuto á ro futuro d'a nuestra luenga e a nuestra literatura.
L'autor mos leba en un biache, á trabiés d'os fundos bosques d'as metáforas.
Metáforas como a de a postema son penchando de contino sobre nusatros,
como una espata de Damocles.
Iste rilato-ansayo ye estruturato en tres partís u "trampos". L'autor mos fa
un triple chuego de metáforas. Basicamén, a primera serba a metáfora d'a "postema
negra". A segunda ye a clamata "postema d'o silenzio", e en o zaguer
trampo reculle a "postema animal" como un espiello deformato d'a reyalidá
umana... En o mesmo libro se define ista obra como "un testo fosco como a
fuesa que emplirá o zaguer fablador d'aragonés...".
Trampo i: D'a postema negra
Empezipia Chusé Inazio Nabarro ro suyo primer trampo remerando a beilata
d'escritors en aragonés que se ferá en a nuei de San Chuan. Dita trobada, seguntes
l'autor, tiene que estar una mena d'auto fundazional ta ra literatura en aragonés:
Que ista trobada puede plegar á estar una fita tara literatura en a nuestra
luenga, una cruzillata en a que confluirán as trazas de narrar tradizionals y a
narratiba futura que, con didos lurdos, somos empezipiando á ferrunchoniar.
1 Nuei de tiedas, Zaragoza. Xordica, 1999.
263