22. Estudios y rechiras arredol d´a lengua aragonesa y a suya ...

III TROBADA (UESCA-ALQUEZRA, 2001)
Istos causos no son per castellanizazión, sino per tratar-se de parolas patrimonials
de gran emplego y que mantienen o mesmo paralelismo con o catalán
popular de Balenzia y l'Aragón oriental.
En términos patrimonials antigos en que a consonan ba entre bocals, a
soluzión muitas begadas coinzide con o castellano, bien con a eboluzión enta un
fonema "y", /j/ (que en ocasions podrá estar antiiyatico y posterior a una perda),
como ye o causo de mayo, mayor, sayeta, meyar, peyor, mayestro; u bien con
perda total de consonan: dido,fredo, siello, baina. Istas parolas no yeran ocheto
d'o presen estudio, que se refiere unicamén a cultismos y semicultismos. Mos
quedará, sin dembargo, o exemplo de bel termino que dandalía, como pueda
estar "achudar/ayutar/aduyar" (que ya en 1275 amanixe escrito "ayudar"), d'o
que en tenemos tres bersions autuals que responden a diferens coderenzias
dialcutals; un exemplo semellán lo trobamos en o berbo "fuyir", con a bersión
"fuchir" y una familia lesica que mantién o fonema: fuchina, fuchis. Atro causo
ye a parola "mayor", que amanixe escrito como "major" en pocas ocasions, y
como "mayor" dende os primers testos d'o sieglo xm an que ye cuasi esclusibo.
Un bayo que ye finitibo en a conclusión de que no ye correuta a ouzión
d'emplegar o grafema "x" en os cultismos y semicultismos que son ocheto d'iste
treballo, ye a suya reyalizazión fonética en toda a meta oriental d'o territerio
aragonesofono. Creigo que a toz se mos fa impensable a leutura de paixina, teunoloixt'a
u rcixistro. Puestar que en o prozeso codificador aigan tenito muito
peso os dialeutos ozidentals; unatra custión ta reflesionar.
Conclusión: articulazión d'una formula d'adautazión de neolochismos
Dimpués d'ista esposizión, sólo me queda que dar una conclusión en a que
s'articule una formula d'adautazión de neolochismos d'orichen latino (u grecolatino
per dar más prezisión), de tal traza que:
-S'escribirán con "x" as parolas que probiengan d'etimos latinos que no correspondan
á grafías "ge", "gi" ni "j".
-S'escribirán con "ch" as parolas que en romanze deben creyar un fonema palatal,
y que en latín se trascribiban con "ge", "gi" u "j", con independenzia d'a soluzión
que n'aigan preso en atrás luengas bezinas.
Anque pueda parixer que dende iste analís sernos embolicando a faina d'a
estandarizazión de l'aragonés, en reyalidá s'ha pretendito desenreligar una
madaxa que s'eba trenato con a dependenzia y a fazilidá que mos podeba dar a
recreyazión d'a nuestra terminolochía dende a luenga castellana, luenga en
que toz emos estato alfabetizatos y que dominamos sin de problemas. Quizau a
más gran fazilidá la tienga qui conoxca atrás luengas románicas como o catalán,
l'oczitano u o franzés. Anque tamién caldrá planteyar-se, de traza cheneral,
que mientres no tiengamos un dizionario normatibo en do mirar, caldrá que
mos astiengamos de prebar d'introduzir nuebas terminolochías si no conoxemos
o suyo étimo.
Bibliografía
ABARCA DE BOLEA, Ana, Obra en aragonés lAlbada al nacimiento...), Uesca, CFA,
1980.
AGUILERA CASTILLO, César, Aproximación a la lingüística, Madrid, Compañía Bibliográfica
Española, 1972.
377