22. Estudios y rechiras arredol d´a lengua aragonesa y a suya ...

Enta una carauterizazión de a literatura
de o testimonio en a poesía
baxorribagorzana
Josep Caries Laínez
Consello d'a Fabla Aragonesa
Bellas parabras sobre a literatura de o testimonio
Entre os escritors que metioron os alazez d'una literatura muderna en Aragón
e aquers atros que s'acotoloron ta ras letras en tiempos sólo que d'ermura, se
troba más d'una chenerazión, en os dibersos dialeutos de l'aragonés, que, como he
dito en un atro triballo,' se pueden mui bien clamar literatura de o testimonio.
Son ers os creyadors, muitas begadas sin saper-ne, de a produzión, a única, que
ha perbibito en luenga aragonesa durante o sieglo xx y, dixando de costau a suya
balura, ye imposible preszindir-ne u afimerar-los sin mayor atenzión. Drento
d'iste bariable lumero de bersificadors u conmistas más u menos áchils con a
luenga, bi'n ha un buen amiro en baxorribagorzano que, durante o sieglo XX, dio
á o dialeuto d'ers un corpus luengüistico, e tamién literario, de o cualo, como
menimo, se debe parar cuenta. Cleto Torrodellas (1868-1939) dende Estadilla,
Antonio López Santolaria "Tonón de Baldomera" (1904-1977) dende Graus u
Cleto José Torrodellas Mur "Pablo Recio" (1914-1988) dende Estadilla, son belunos
de os nomes que, antimás, ya tienen adedicatos estudios e articlos barios,
metendo de relieu a importanzia de as suyas obras en o contesto asobén esmuidizo
d'una literatura con masiatas lacunas e menester de calida.
Si ese á carauterizar, con un rasgo preeminente, a literatura de o testimonio,
aberba á afirmar a inesistenzia en era de denguna boluntá literaria. Iste
chudizio, que puede sonar radical u taimen asperable, debe estar o mío punto
de raneada. Mesmo debe estar l'adecuazión nesezaria cuan s'usa o termín "literatura"
en ista denominazión. No esiste en os bersificadors de benambre popular
¡xa conzenzia estética que lebarba ta l'asunzión de a obra como bellacosa
más que un simplo chuego u protesto. Dende a eleuzión formal dica ra seleuzión
temática, toz os elementos d'un poema de o testimonio son en dreita relazión
con una bastida que tien as mugas d'era e tamién a suya fin en a subliteratura,
ye dizir, en aquers testos que, dende o cauz de a crética literaria, no han
1 Lamí'/,. Josep Caries, "Notas ta una periodizazión de a literatura en luenga aragonesa", en Nagore,
Francho, Francho Kodés e Chesús Vázquez, Estudios y rechiras arredol de a luenga aragonesa y de a
suya literatura. Aulas d'a I Trabada. Huesca, IEA-IFC, 1999. pp. 823-330.
271