22. Estudios y rechiras arredol d´a lengua aragonesa y a suya ...

III TROBADA (UESCA-ALQUEZRA, 2001)
sica. A influyenzia ye, por consiguién, muito lexana en o tiempo, sin dembargo
aparixe de traza cheneral en a temática por meyo de diferens conzeutos globals
tais como a relichiosidá, filosofía, naturaleza...
O haiku en Ozidén
A restaurazión Meiji en 1868 no sólo trayó como consecuenzia l'ubriduría
de o Chapón enta as enfluyenzias ozidentals, sino que tamién creyó un punto
de partida en Cintres de os propios países europeyos por a cultura chaponesa,
pos os entrecambeos d'informazions dica allora eban estato cuasi menimos.
En o que períoca y mos intresa arredol de o haiku, Henderson lo esplicó
asinas: "A forma haiku ye singularmén chaponesa, pero creigo con a mayor firmeza
que tiene carauteristicas que traszienden as mugas e cletas de o luenguache
e a nazionalidá, fendo-la apta ta ocupar un puesto espezial entre as formas
de a poesía ozidental".
A continazión e creyendo-Io combenién feremos una gambadeta sobre as
diferens luengas ozidentals que alportoron, creyoron e treballoron a forma
haiku en a literatura de os suyos respeutibos países:
Haiku en inglés:
As primers enfluyenzias las trobamos en o poeta B. H. Chamberlain; sin
dembargo debemos á la colla clamata de os "imachinistas", creyata arredol de
1910 por barios poetas ingleses y americanos, o primer intento serioso d'asimilar
en ozidén a filosofía de o haiku. Ista colla de poetas endrezó a suya busqueda
enta una simplificazión de a espresión: quereban una poesía muito más
ochetiba, sin grans elaborazions inteleutuals.
D'ista colla imachinista destacan os nombres de Ezra Pound, americano e
cofundador, y Amy Lovell, poetisa tamién americana que se chunió más tardi.
Tamién caldría adibir á D. H. Lawrence u James Joyce. En toz trobamos poesías
prosimas en a forma (e una mica menos en a temática) á o haiku.
Haiku en franzés:
Os poetas franzeses abordaron a nueba forma poética con intrés. Ye curioso
o feito de que a parola haikai aiga prebalezito en o gusto franzés donde fa no
guaire poco por denzima de a más moderna como ye haiku. Ya en 1905 trobamos
una chicota colezión de haikai a cargo de o poeta L. Couchoud. Tamién son
importans e de reseñar as contrebuzions de Julien Vocance, d'escritors como
Robert Davezies, Serge Brindeau u Jacques Ferlay.
Haiku en portugués:
En Portugal trobamos a fegura de Camilo Pessanha, que introduze a forma
a prenzipios de o sieglo dende a suya faszinazión por a cultura oriental. Sin
dembargo ye Brasil do, a partir de os pioners Afránio Peixoto e Ghilherme de
Almeida, o haiku se cautiba con más intrés.
Haiku en castellano:
A enfluyenzia de o haiku ha dixato a suya presenzia en un importan
lumero tanto d'obras como d'autors. Si bien escritors clasicos españols como J.
R. Jiménez e F. García Lorca nunca escribioron haiku propiamén ditos, sí trobamos
buenos exemplos en atros españols como A. Machado, J. J. Domenchina,
281