22. Estudios y rechiras arredol d´a lengua aragonesa y a suya ...

III TROBADA (UESCA-ALQUEZRA, 2001)
A macro-estructura semántica de a poesía de Chusé Inazio Nabarro, a suya
temática, poderba ser enunziata en una frase que responda de modo simple á
ra pregunta ¿de qué charra iste poeta en os suyos libros? Partindo de os tetulos,
subtetulos, parolas-claus e repetizions, podérbanos enunziar a ipotesis
siguién: "Narrazión poética de a esistenzia d'un ombre que bibe en un país
quiesto, con una luenga morediza que cal debantar a trabiés de a parola, e con
unos sentimientos fren á o paso de o tiempo, á ra Muerte e a l'Amor que li fan
escullir o camín de a escritura en poesía ta poder bibir os suenios e as asperanzas
que poderban amagar a felizidá en ista bida".
Ta poder chustificar ista definizión prebia de a produzión poética de Nabarro,
emos elaborato un estudio de as isotopías (u cambos semánticos) que presenta
en cada libro.
O mirallo de chelo
a) A isotopía OMBRE-MULLER-BIDA-TIEMPO; drento d'iste cambo serban
tamién os sentimientos: AMOR, RICUERDOS, SUENIOS... L'ombre de O mirallo de
chelo ye un guerrero, o suyo cambo de batalla puede estar que siga a luita contra
o paso de o tiempo, u a luita contra l'albandono, a soledá e o silenzio de a
suya tierra. A muller ye MAI en os recuerdos de a nineza; a relazión de l'ombre
e a muller ye l'amor e o plazer.
b) A isotopía TIERRA, que incluye no sólo aquers elementos de o paisache
d'Aragón, a bechetazión sobre tot, sino tamién o espazio zarrato de as tabiernas.
Por enzima de a TIERRA bi ha referenzias á o MUNDO en cheneral e a dos
ziudaz d'Europa: Venezia e Chinebra, puntos de partida de dos poemas de O
mirallo.
c) A isotopía de os DIOSES, os Inmortals, almiratos por Nabarro porque han
estato bitoriosos en a baralla contra o tiempo que dalla a bida de os ombres. En
os poemas son muito zercanos á o poeta al igual que d'atros presonaches de o
mundo clasico ya cuaternatos. Atra funzión de os dioses ye nimbiar a inspirazión
á os poetas. Dios, en minuscla, ye o interlocutor de Nabarro en a suya
demanda d'aduya ta caminar por a bida.
d) A isotopía de a LUENGA e de a ESCRITURA capaz de fer-la perbibir. Os bersos,
feitos con a matiera de os suenios e de as remeranzas renueban á ra luenga
a punto de desaparixer.
Respeuto á ras indicazions temporals, ye a nuei o inte pribilechiato ta os
encuentros en as tabiernas e ta l'amor. Mayo reculle o tópico de a renobazión
primaberenca, mientres que o berano (chulio, agosto) ye o tiempo de as cullitas,
de as trobadas d'amor en plena naturaleza, de os retornos ta ra nineza. Agüerro
o nuestro pai, precursor de os fríos ibiernos con as nieus eternizas e o chelo,
ye o encargato de ranear as fuellas de os árbols e de dar o fruito de as binas.
En esfensa de as tabiernas y atros poemas
Treze añadas más tarde, Chusé Inazio Nabarro publica iste segundo poemario,
en o cualo, as metáforas emprezipian a estar muito frecuens e dibersas.
O tetulo nos indica ya una de as isotopías dominantes: as tabiernas, cuaternatas
ya en O mirallo de chelo e qu'ocupan un amplio espazio en a topografía
d'iste libro.
a) A isotopía de a BIDA de 1'oMBRE e de a MULLER (mesachas, endinos diosas,
mullers gripias). Astí a bida ye como a fruita, que se puede minchar, e BIBIR, un
sinónimo frecuén de BEBER. OS ombres continan estando guerrers en as luitas
257