22. Estudios y rechiras arredol d´a lengua aragonesa y a suya ...

III TROBADA (UESCA-ALQUEZRA, 2001)
que belunos han feito serbir) que no constituyen área compauta. Truca l'atenzión
a forma nusotris de Z 202 (Ardisa): calerba saper si s'emplega con funzión
de sucheto u sólo como termino de bella preposizión.
Segunte o EBA se rechistra nusotros en o Baxo Alcanadre, Echo, Ansó, Aragüés,
Fiscal, Lobarre, Plana de Uesca, Salas Altas, Campo, A Fueba, Biello
Sobrarbe, Graus, Pandicosa, Sobrepuerto; nusatros en Zanui, Plan, Biello
Sobrarbe, Chuseu, Torres de lo Bispe, Fonz, Bal de Chistau, Estadilla, Puebla
de Fantoba; nusaltros en Benás, Bielsa, Alta Ribagorza. Son datos que se pueden
adibir á os d'o mapa 1598 de YALEANR ta complementar-lo: no s'escuentradizen,
en términos chenerals coinziden.
2.10. Articlos determinatos. Mapa feito con os datos de a lamina 1856 de
YALEANR. Consideramos elemental que se rechistre l'uso de os articlos determinatos
propios de l'aragonés ta establir o territorio propio de l'aragonés. Se
siñalan con + as formas más chenerals de l'aragonés: o, a, os, as e os alomorfos
ro, ra, ros, ras, asinas como lo, la, los, las. Con tot e con ixo, parando cuenta en
a bariedá d'articlos en zonas nororientals, tamién emos considerato como + o
sistema el, la, lo, es, las. Se siñalan con C os sistemas el, las, els, les e el, la, los,
les. E con - el, la, los, las.
Ye de malfiar o dato de Te 206 (Estercuel): no creyemos que s'emplegue sistematicamén
o sistema lo, la, los, las. Bien pueda estar que se rechistrase l'uso
esporádico de lo bella begata u en bel contesto.
Os datos relatibos á l'Alto Aragón pueden enamplar-se e completar-se
muito consultando ro EBA. Con tot e con ixo, contanto sólo que con os datos que
Suministra ra lamina lumero 1856 de YALEANR, ye da dar que o territorio de
l'aragonés queda bien definito fren á o castellano. En iste caso, antimás, con
elementos morfolochicos formalmén bien diferens, por o menos en o que respeuta
á ras formas o, a, os, as (e os alomorfos ro, ra, ros, ras e lo, la, lo, las) que
son as que siñalan a buega con o castellano. As formas el, la, antimás de coinzidir
con o castellano fan una continidá con o catalán enta Teste. Ye de dar, por
atro costato, que en Broto u A Espuña por o menos se conoxen os art. o, a, os,
as; y en Chisten ye d'emplego abitual el, la, es, las. Pero son datos que no constan
en o mapa de YALEANR.
2.11. Pretérito imperfeuto d'endicatibo. Mapa feito con os datos de os
mapas lumers 1616 ("desinencia de la persona yo del pret. imperf. de ind.") e
1619 ("desinencia de la persona ellos del pret. imperf. de ind."), asinas como ros
mapas 1656 ('yo tenía') e 1673 ('yo subía'). A conserbazión de a -b- en os berbos
de a segunda e de a terzera conchugazión ye una traza muito representatiba de
l'aragonés e que siñala muito claramén o suyo territorio.
Seguntes o mapa 1656 de YALEANR, cast. '(yo) tenía', se rechistran as
siguiens formas:
Icru'bai en Mu 101 lAnsó);
eba en Hu 102 (Echo) e Hu 104 (Aragüés);
Icneba en Hu 100 (Sallen), Hu 104 (Aragüés), Hu 107 (Chaca), Hu 108 (Bailo),
Hu 109 (Yebra), Hu 110 (Lasieso), Hu 111 (A Guarta), Hu 112 (Agüero), Z 202
(Ardisa), Hu 200 (Bielsa), Hu 202 (Chisten), Hu 205 (Noals), Hu 203 (Fanlo), Hu
204 (A Espuña), Hu 300 (Bolea), Hu 305 (Robres);
tcniba en Hu 106 (Broto), Hu 201 (Benás), Hu 207 (Campo), Hu 400 (Santa
Llestra), Hu 401 (Pobla de Roda), Hu 402 (Aren), Hu 403 (Puebla de Castro), Hu
404 (Tolba). Hu 4006 (Zanui), Hu 408 (Albelda), Hu 302 (Angüés), Hu 303 (Almu-
343