22. Estudios y rechiras arredol d´a lengua aragonesa y a suya ...

III TROBADA (UESCA-ALQUEZRA, 2001)
En o manifico libro d'Ánchel Conté tetulato O tiempo y os días* en a parti
"Os días (Intermezzo", aparixe un poema que mui bien podébanos encluyir
drento de os haikus no sólo por a suya estrutura breu e conteniu sino porque,
de bez, espresa sentimientos muito prefundos en do l'autor, libremén, denunzia
o suyo sentir no sólo en ixe inte sino en un presen no guaire lexano. O poema
diz asinas:
Me naxen flors en tol cuerpo
sólo con pensar-te
Qué no será cuan te beigo. (p. 72)
A naturaleza (flors) tamién ye presen adornando ixe momento de paz, de
goyosidá duradera en ista mena de haiku que aduyato d'ixa senzillez e liberta
autúa como una canta sonando y espresando o sentir de o poeta.
Como emos adebantato antis iste poema pertenexe á la parti tetulata "Os
días (Intermezzi)", parti de a que Francho Nagore fa o siguién comentario: 3 "Bi
ha en ista zaguera parti espezialmén poemas curtos y lixeros que resumen un
sentimiento delicau y armonioso con gran fuerza poética". Rematando: "A falta
de puntuazión que se da sistematicamén en a zaguera parti de o libro (y sólo
en ixa parti), puede estar símbolo de liberta, con o que beyemos un enreligamiento
entre forma y conteniu berdaderamén notable y que aduya a dotar de
sentiu á os poemas". Y ye ixa liberta de fundo a que mos fa ricordar ixas sensazions
preduzitas en l'autor cada bez que leyemos o poema, una liberta en a
que cuasi cuasi podemos ulorar ixas flors naxitas en o cuerpo de o poeta, ye
dezir, podemos considerar que en iste poema de tres bersos, bien senzillo,
carauterizato por estar breu, sin de tetulo -de igual traza que o antigos haikus-
aparixe un poeta que mos amana e deleita enta ixe prexinallo interior de
a suya bita, de o suyo sentir, fendo enriquir dito sentimiento a trabiés de a polideza
e concaramiento de una imachen en a que se contimpara a una simpla y
beroya flor con o más polido de os sentimientos umanos: l'amor.
Tamién en Chusé Carlos Laínez podemos trobar bels haikus bien senzillos
e bonicos en o que a transmisión d'ideyas por parti de l'autor, que mos ferá goyo
sentir de biba boz. Son os poemas que aparixen en a suya obra tetulata Aires
de liloileras (Peruigilium veneris).' Os poemas á destacar son os siguiens:
i
Que no seiga o suenio
amoroseo perdiu de a nuei:
canta, parabra, luenga, labio.
(p.7)
XX
Á ra usma prebo d'engalzar as mías
fuyitibas presas, como lión dezaga de as
gazelas: amatista en augua perfumata de rosas,
(p. 29)
1 Conté, Ánchel, O tiempo y os días, Uesca, CFA ("A tuca"), 1996.
1 Nagore Laín, Franchu. "O tiempo y o» días: a tornada d'Ánchel Conté ta ra literatura en aragonés"
Luenga & fablas [Uesca), 1 (1997), p. 170.
' Laínez, Chusé Carlos, Aires de liloileras {Peruigilium veneris). Uesca, CFA, 1992.
285