22. Estudios y rechiras arredol d´a lengua aragonesa y a suya ...

III TROBADA (UESCA-ALQUEZRA, 2001)
Endozentrismo
Ye taimen o rasgo más indefuyible de os poetas dialeutals: fendo uso d'un
beíclo luenguistico ligau sobremanera a o suyo lugar, as referenzias concretas
á feitos u autos d'íste y, por tanto, l'aparatamiento de fiestas, bírchens, santos
u tradizions son perén d'una recurrenzia asoluta. Cuaterno astí o empezipio de
o poema "Mientras tronan los trabucos" de Francisco Castillón:
Mientras tronan los trabucos,
y la Fiesta está empezán
-y pa algunos, ya con ixio
se puede di qu'acabánen
la Capilla del Cristo
la gaita ya está sonan.
Y el Himno de Craus, l'Albada,
con mimo la están tocan.'
Aber meso iste rasgo en primer puesto no obedexe á dengún conzieto, sino
á o feito de siñalar o predominio e quizau l'asoluta importanzia de o endozentrismo
en a configurazión de una literatura de o testimonio, particularidá que
la chunirba con una tradizión benita dende a literatura antiga, cosa fazilmén
esplicable en una literatura rural como l'aragonesa. Asina, ye cualcosa comprobable
dende Ana Abarca de Bolea, pasando por as pastoradas y, en obra ya
d'autor, o "Pregón de las Fiestas de San Blas (Fonz)" (1866) de Víctor Torrente
Cosín, que entre atrás cosas diz:
Un día antes de San Blas
se fará una gran foguera
de la Pllaza en la mita,
y que ninguno s'atreba
a desfé-la ni a brinca
perqué é mui fázil que n'aiga
desgrazias que llamentá."
Os poetas de o testimonio, estando de do estasen, alazetan o suyo mobimiento
creyatibo en a reimbenzión popular de o suyo puesto de nazenzia u d'estadía.
Costumbrismo
Paralelamén a o endozentrismo, u mesmo como trestallo particular d'ista
tendenzia, se troba l'adedicamiento a dixar costanzia de tradizions u costumbres
propias de o lugar u de a redolada de os poetas. Sirben de memoria u de
chiqueta istoria, as más de as bcgadas d'un mundo que ya no esiste o que se ye
perdendo. Leyemos en "Los turroneros de Graus" de Luisón de Fierro:
Así feban el negozié,
así acaban las Fiestas,
los tres turroneros de Graus:
• Castillón, Francisco, "Mientras tronan los trabucos", en Llibré (1978), cfr. Vicente de Vera, Eduardo.
ítp. cit., p. 196. Hn totas as zitas, utilizo a íírafia propia de os autors.
' Torrente Cosín, Victor, "Pregón de las Fiestas de San Blas (Fonz)", en Fuellas, 46 (1985).
273