22. Estudios y rechiras arredol d´a lengua aragonesa y a suya ...

III TROBADA (UESCA-ALQUEZRA, 2001)
Pero, encara que no s'es trobato nunca ixe balioso archibo, entendemos que
caldría aber feito os posibles per enzetar una campaña sistemática d'encuestas
diacronicas, preguntando sobre qué cosas diziban os lolos d'os nuestros informadora
autuals en aquels dezisibos años. Nos se fegura como se, de bella traza,
ixos elementos se dasen ya per perditos irremisiblemén, u pensando alcaso que
os esfuerzos per empizipiar una fayena asinas no podeban dar guaires resultatos
asperanzadors." Per cuentra, a nuestra propia esperenzia apunta en altra
linia e nos contrimuestra que, se mesmo agora encara ye estato posible arrullar
luz sobre ixas bozes que dixoron d'usar-se en os años 30 e 40, cuánto mes
no s'es feito fa 20 u 10 años tan sólo.
Creyemos, per tanto, que en un erenzio de tantos sieglos no pueden de
garra traza prener-se como prenzipal referenzia os libéis cada begata mes
patuesizatos d'a luenga d'os reziens cuaranta u zincuanta años. Cal pensar
que, tanto en o fonético, o morfolochico, o sintatico, o lecsico e a semántica, o
prozeso de glotofachia ha feito que muitas carauteristicas patrimonials de
l'aragonés se metan en o caxot d'os elementos pasibos per parti d'os propios
fabladors. Iste ye un punto en o que emos d'estar muito créticos.
O segundo punto, como no podeba estar d'altra forma, se refiere á o cruzial
paper que a presenzia d'as luengas en contauto ha chugato en a forniazión
e eboluzión d'o romanze aragonés. Con o paso d'o tiempo se bei que, no
ya en o estamento unibersitario sino mesmo en l'asoziazionismo en pro de l'aragonés,
s'ha treballato con uns postulatos ispanistas propios d'unas miras
académicas bien concretas que s'imparten en o marco d'o mundo ispano, como
o d'a Universidad de Zaragoza, mes atenta á os referens filolochicos españols
que no á altros mes bezins. A falta d'una lingüistica comparata e contrastata
de l'aragonés con l'oczitano-gascón e o catalán ha feito que en o tiempo de
muitos años s'esconoxesen e inorasen totas as semellanzas que a nuestra
luenga tien con os altros dos idiomas romanzes d'os Pirineus. Ye sosprendén
constatar en qué mida o lesico, a morfolochía e a sintasis de l'aragonés casa,
como bella metat bezona, en os d'ixas dos luengas chirmanas. O feito de no
aber inzidito pro, u mica, en as semellanzas d'ixe espazio pirinenco ha suposato
que l'unico referen con o que, dica agora, s'han feito cuasi totas as comparanzas
siga estato ro castellano, o que ha contribuito á distorsionar mes a
naturaleza propia de l'aragonés, á desnaturalizar-lo e á que se fique en a
órbita lingüistica d'a luenga ofizial, biziando o propio modelo de protoaragonés
común.
Toz es que conoxcan, sisquiera una miqueta, una d'as dos luengas bezinas
entenderán á qué nos sernos referindo e as dibersas mancanzas que dimanan
de no aber acudito e contrastato as nuestras parlas aragonesas con as oczitanogasconas
de Bearne, Bigorra, Cominches e Aran e con as catalanas de Ribagorza,
Pallars Sobirá e Pallars Jussá. Cal ir cambiando a bisión sobre l'aragonés
e biyer que a suya filiazión iberorromanica ye sólo una berdat á meyas, pos
en muitos elementos de lesico, de morfolochía, de sintasis, de semántica l'aragonés
ba aparexendo cada bez mes amanato á ro espazio galorromanico: oczi-
" Ixn ye o que se desprende d'as parolas que Francho Nagore fa en ¡i introduzión d'a suya gramática
cuan diz: "No cal lampó chcmecnr por o que se'n ese puesto salbar y s'ha trafegau. Bi ha qu'aconortar-se
con o qu'agora en emos", p. 21. U as d'istos bersos d'o poemario Cutiano agücrro que eU solos
parlan: "De cada parahra muerta / d'a nuestra biella fabla / prexinuremos milenta / que tornen á
suplanta-la", p. 78.
451