22. Estudios y rechiras arredol d´a lengua aragonesa y a suya ...

III TROBADA (UESCA-ALQUEZRA, 2001)
demos dizir. Se femos comparanzas d'a nuestra ortografía con a d'as altras
luengas bezinas, constatamos cómo compartimos soluzions comuns; asinas
tanto en l'oczitano como en italiano, e mes rezienmén en sardo, s'ha preszindito
tamién d'una -h- que se consideraba innezesaria. Mesmo en os primers años d'a
reforma fabriana d'o catalán o propio Pompeu Fabra yera d'o parexer que ixa
letra eba d'eliminar-se d'a grafía d'a luenga bezina, pero a tradizión podio mes.
De modo que en a eliminazión d'a -h- creyemos que s'enzertó e con buen criterio.
Se siguimos con ixe mesmo criterio de lingüistica románica comparata en
a suya grafía, biyemos que cuan arringleramos una serie paradigmática de
bocables cultos d'o tipo embergadura, imbestigazión, serbizio, unibersidá... u
patrimonials de fondo común románico, güellamos que, per cuentra, l'aragonés
ye Túnico d'os treze romanzes autuals en que s'ha preszindito d'o grafema -v-.
Consideramos que aquí no fue una ideya enzertata ta l'aragonés eliminar ixa
letra, perqué, se quiera u no, se trata d'una luenga neolatina e no puede sustrayer-se
á tota una tradizión que garra altra luenga chirmana no ha albandonato.
O feito que, de treze luengas romanzes, doze mantiengan a -u- e sólo que
nusaltros la eliminemos nos desepara d'ixa casa común que ye a Romanía e fa
que sin garra duda a nuestra grafía choque á muitos güellos. Creyemos que ye
prezisamén per iste punto concreto per o que no pocas presonas se muestran
eszeuticas deban d'una ortografía que se torna asinas pintoresca, estraña, per
no dizir inculta.
Se aplicamos un criterio istorizista e un altro de representazión dialeutal
emos d'asumir que a tradizión escrita antiga e dialeutal, dende as Coplas de
Santa Orosia dica os autors dialeutals prebios á ra grafía d'o 74, s'ha serbito
d'una grafía que encara que siga deutora d'o castellano ha marcato, se quiera
u no, bella tradizión que no podemos inorar de tot, d'a que podemos mantener
bels elementos, como ro debandito. Se, finalmén, tornamos á inzidir en un criterio
soziolingüistico, constataremos que os tres criterios anteriors bienen á
reforzar iste zaguero. Sernos deban d'una grafía de muito peso fonetizista que
no ha cuallato entre os montañeses e que s'alparta d'a mes biella tradizión
románica. Creyemos que planteyar, como se fazió, a ortografía de l'aragonés en
términos de trigar entre un criterio fonético u un altro etimolochico fue muito
estremato, se podría aber agafato un camín mes intermeyo. Asinas, coinzidimos
con Juan Carlos Moreno Cabrera, catedrático de lingüistica en a Universidad
Autónoma de Madrid, cuan diz:
Hay dos criterios esenciales para determinar la coherencia de los sistemas ortografieos:
el fonético y el etimológico. El etimológico parece más aconsejable, por
no estar tan atado a las contingencias del cambio fonético de las lenguas y por
posibilitar un tratamiento más igualitario de todas las variedades de una lengua
que usan un mismo sistema ortográfico. •
Creyemos que l'aragonés debería adotar-se d'una reforma ortográfica que
planteyás una soluzión de compromís entre a que benimos usando istos
trenta años (en reyalidat entre os que escribimos en aragonés común e bels
pocos autors dialeutals, ya que o resto no la usa pas), una soluzión de com-
• Mnrcno Cabrera, Juan Carlos, La dignidad e igualdad de las lenguas, Madrid. Alianza, 2000, pp.
180-181.
457