22. Estudios y rechiras arredol d´a lengua aragonesa y a suya ...

ESTUDIOS E RECHIRAS ARREDOL D*A LUENGA ARAGONESA
de lugars que puyan de o 53,3% d'elementos lingüísticos aragoneses, seguntes
beyemos en o mapa zaguero que resume as conclusions (mapa lumero 16).
Ye un territorio compauto en o que solamén o punto Hu 103 (Canfrán) se
troba por debaxo de o 53,3%, plegando sólo que ta o 26,6%, manifestando una
situazión de castellanizazión que ye esplicable por a suya situazión, autibidaz
e zercustanzias, como zentro prenzipal de comunicazions en o Pirineo aragonés
(estazión internazional, duana, guardia zebil, turismo, estazions de nieu...).
Truca tamién l'atenzión que Z 201 (Biel) quede difuera con un 20%: en iste caso
a situazión cambiarba muito si se teñesen en cuenta os datos de Fuencalderas,
lugar de o mesmo monezipio en do a conserbazión de l'aragonés ye más zercana
á ra d'Agüero e os lugars de A Galliguera. 1 Por ixo, creyemos que o monezipio
de Biel, como atros de as Zinco Billas Altas, como O Frago, Longás u Bagues,
deben quedar drento de o territorio propio de l'aragonés. O mesmo que o lugar
d'Alins, que pertenexe á o monezipio de Zanui. Ye de dar que os datos d'un atlas
lingüístico, por más preto que tienga o rete de puntos d'encuesta, no pueden
alportar concrezions de detalle, que caldrá completar con atros estudios u treballos.
Pero sí que pueden ofrexer un panorama cheneral que á grans rasgos
reflexe a reyalidá. Ixo yera o que nos intresaba aquí, por meyo de a triga
d'unos mapas e unos elementos concretos que premitisen meter de reliebe o
contraste entre bellas carauteristicas lingüisticas de l'aragonés e d'o castellano
e por tanto siñalar un territorio en do ros puntos poseyen en común un porzentache
alto de carauteristicas propias, que lingüisticamén pueden difinir-se
como aragonesas, fren á o castellano en cheneral e fren á atros territorios
d'Aragón en do ros porzentaches d'elementos aragoneses no son tan grans. Creyemos
que a definizión d'o territorio puede estar intresán ta poder aplicar por
parti de l'Almenistrazión Publica de a Comunidá Autónoma d'Aragón una pulitica
lingüistica d'esfensa e fomento de l'aragonés, espezialmén en ixe territorio,
á trabiés de a estatutaria "Lai de Luengas" u "Fuero de Luengas".
Bibliografía
ALEANR = ALVAR. M., A. LLÓRENTE e T. BUESA, con a colaborazión d'E. ALVAR e J.
ALVAR, Atlas Lingüístico y Etnográfico de Aragón, Navarra y Moja, 12 tomos,
Madrid, La Muralla, Departamento de Geografía Lingüística del CSIC / Zaragoza,
IFC, 1979-1983.
ALVAR, M., "Geografía lingüística de Aragón", en Estudios sobre el dialecto aragonés, m,
Zaragoza, IFC, 1998, pp. 155-342.
EHA = Endize de bocables de ¡'aragonés seguntes os repertorios lesicos de lugars y redoladas
de l'Alto Aragón (F. NAGORE, dir.), 4 tomos, Uesca, IEA, 1999.
ENGUITA UTRILLA, J. M., "Panorama lingüístico del Alto Aragón", Archivo de Filología
Aragonesa, XLI (1988), pp. 175-191.
MARTÍN ZORRAQUINO, M. A., e J. M. ENGUITA UTRILLA, Las lenguas de Aragón,
Zaragoza, CAÍ, 2000.
MORENO FERNÁNDEZ, F. (recopilador). Estudios sobre variación lingüística, Alcalá de
Henares, Universidad de Alcalá / Servicio de Publicaciones, 1990.
NAGORE LAÍN, F., Os territorios lingüisticas en Aragón, Zaragoza, Rolde de Estudios
Aragoneses, 2001.
' Se belga José Arbués Possat, Fuencalderas en mi recuento, Girona, 1980. As planas 144-184 replegar!
un ampio bocabularío aragonés de o lugar; as planas 185-191 replegan buena cosa d'esprísions
popular*, multas en aragonés.
348