22. Estudios y rechiras arredol d´a lengua aragonesa y a suya ...

As preposizions e bels emplegos preposizionals
III TROBADA (UESCA-ALQUEZRA, 2001)
denzima. Seguntes YEndize de bocables de ¡'aragonés,' sólo s'emplega que en
Sobrarbe (A Buerda) e a Bal de Chistau. En L'ombre l'anset, encara que l'uso
mayoritario siga o de enzima, en emos trobato un caso esporádico: "Li pasaba
lo dedet por d'enzima lo tozuelo' (p. 59).
enta. A ormino enta desputa á dica (u, en aragonés cheso, l'ampre castellano
hasta) uns cuantos contestos. Espezialmén cuan gosa amanexer en correlatos
con a preposizión dende.'
"Dende los chotos y crestóns enta los burros eabañés todo me facié goyo" (p.
134)."[...| y,dende la sargantana que se rastra, enta la loira que'n lo río capucía,
pasando por lo esquiruelo que de talla en talla ve brincando, y por lo
ladrón raboso y lo taxón, dinguno fuye en que me veye" (p. 140). "Zarpa como
pluma yera la de Clemente que, dende l'orella enta la coda, iba y tornaba
amoniquet"(p. 149).
Bellas begatas tamién lo fa con a preposizión de: "(...I dos años nos lebábanos
de l'uno enta l'otri" (p. 49); "lebando de zurda enta la dreita lo sombrero con lo
brazo devantáu" (143).
Coarasa tamién se fa serbir de a peposizión enta en contestos en os que podérbanos
asperar l'emplego d'altras preposizions como á u ta. Beigamos bels
exemplos: "Con reata de machos, que nugáus con lo ramal de cada uno enta
la coda de lo de deban iban..." (p. 16); "m'asomo enta lo canto" (p. 30); "agarrón
enta las sayas" (p. 34); "venié a parar enta..." (p. 54); "ir enta l'otro mundo
en paz" (p. 77); e altros muitos casos iguals u parellanos.
Ye relatibamén frecuén que aparexca en combinazión con a tamién preposizión
de direzión rara: "da cara enta la ilesia" (p. 50); "cara enta mí y amostrándome
los catiróns"(p. 1451.
ta. Nos irnos á limitar á reproduzir bels chiquez escais en os que 1'emplego de a
preposizión ta nos ha trucato l'atenzión.
"agarrada ta la coda" (p. 46) u "agarráus ta las sayas" (p. 50); "abrazarse ta
mí" (p. 461; "arrimáu ta lo fuego" (p. 62); "heba dixáu la mano ta la cara" (p.
74). Aquí quiere dizir 'eba dixata la man marcata en a cara'; "baxé la escalera
brincando de repañuelo ta repañuelo" (p. 87), an que quizau ésenos asperato
a preposizión en;"chuntos ta mí" (p. 127); "ta todo yo so feito" (p. 138), grazias
á contestos como íste poderba esplicar-se o esbarizamiento semántico que de
'a' ta 'para' ha puesto tener a preposizión ta de a que i somos fablando. Antiparti,
feito tien en ista frase o senificato de 'acostumbrato, aclimatato' tan
cheneral en aragonés.
Bels sintagmas preposizionals
de ploro y moco." [... I asinas que, como verez si fez la cuenta, la cachimalla yera
toda de ploro y moco" (p. 49). Iste sintagma ofrexe zierto paralelismo con un
altro: sin chuco ni muco. Per altra man, taimen iste sintagma pueda aduyarnos
á esplanicar a etimolochía de o berbo frecuentatibo ploramiquiar (ploriconiar),
muito espardito en altras bariedaz cheograficas d'aragonés. Asinas,
ploramiquiar, poderba estar perfeutamén o resultato de a combinazión de
plorar e moco, mes a influyenzia de mica.
1 Endize de bocables de ¡'aragonés, tomos i-iv, Uesca, IEA, 1999.
185