Arcipelago Itaca 7

Inediti. Da Tape del calvario (Tappe del calvario)
Fabio
Franzin
119
Ajenzie interinài
Sen in fia, zent da òni part del mondo,
drio ‘a porta de ‘ste ajenzie interinài,
sen in fia, oniùn co’a só carta in man,
‘a speranza fiapa. ‘E tose drio ‘l banco
òni tant ‘e sbufa, ‘e rebalta ‘i òci verso
el sufìto come sante in estase tii quari
del rinassimento. No’ un dio tea visión
però, ma sol ‘na processión de pòri cristi
che insiste, prega, domanda in imòsena
un lavoro che no’ l’esiste pì, pa’ nissùni,
che no’l se crea nianca co’ un miràcoeo.
Sen in fia, strachi de star in coda pa’ nient,
de tornàr indrìo co’i sòiti pensieri. Fòra
l’è za scuro, fòjie zae sóea zo dae rame,
un vent rabioso l’é fa córer tel ‘sfalto,
le para drento ‘e pòce slòzhe. Ècoe qua
‘e nostre speranze, èco ‘ndo’ che ‘e va
a finìr. Fra poc el jazh le fermerà, là co’
lù, fra poc sarò casa da mé fiòi, dai òci
bèi de mé feména, e no’ ‘varò coràjo
de incrosarli, no’ ‘varò paròe, par lori.
Agenzie interinali
Siamo in fila, genti da ogni parte del pianeta, / dietro
la porta di queste agenzie interinali, / siamo in fila,
ognuno col suo curriculum in mano, / la speranza
fioca. Le addette oltre il banco / ogni tanto sbuffano,
volgono lo sguardo / al soffitto come sante in estasi
nei dipinti / del rinascimento. Non un dio la visione /
però, ma solo una processione di poveri cristi / che
insistono, pregano, chiedono l’elemosina / di un
lavoro che non esiste più, per nessuno, / che non si
crea neanche con un miracolo. / Siamo in fila, stanchi
di stare in coda per niente, / di ritornare indietro coi
soliti grattacapi. Fuori // è ormai buio, foglie gialle
volteggiano giù dai rami, / un vento rabbioso le fa
correre per l’asfalto, / le depone dentro le
pozzanghere. Ecco / le nostre speranze, ecco dove
vanno / a finire. Fra poco il ghiaccio le chiuderà, lì
con / esso, fra poco sarò a casa dai mie figli, dagli
occhi / belli di mia moglie, e non avrò coraggio / di
incrociarli, non avrò parole, per loro.