Cuadernos de Historia Jerónimo Zurita, 31-32

Concepción Contel Barea
pedaticum nec aliquod ussaticum alicui homini in toto regno et terra potestatis
sue, sed essent liberi et franchi ab omni tali exactione; et etiam
fuisset eisdem abbati et conventui concessum per sepe dictum dompnum
regem Alfonsum quod omnes / homines presentes et futuri qui ad eos pertinent
et qui eis subiciuntur et permanent in domibus eorum sint liberi
et franchi ab omni hoste et cavalcata et peyta et honore que ei deberent
facere, cum carta seu privilegio suo quam vel quod similiter dicunt se
casualiter ammisisse, dignaremur in hiis erga eos misericorditer nos habere
/ et dictas concessiones approbare et de novo concedere de gratia
speciali, et ammissionem dictarum cartarum seu privilegiarum ex nostre
munificentie largitione supplere. Nos itaque Jacobus Dei gratia rex predictus
predecesorum nostrorum sequi vestigia cupientes qui dictum monasterium
de Junqueria et de Rota suis beneficiis ampliarunt cum hoc presenti / privilegio
perpetuo valituro per nos et nostros presentes et futuros laudamus,
approbamus et ex certa sciencia confirmamus omnia et singula privilegia
supradicta et cartas donationum, concessionum et permutacionum factorum
dicto monasterio de Junqueria et de Rota et mpnachis ibidem Deo servientibus,
illa scilicet que nunc ut predicitur coram nobis in originali / forma
exhibita et ostensa fuerunt, et omnia et singula in eis contenta; sub hac
forma tamen, quod omnia supradicta et singula, prefatum monasterium de
Junqueria et de Rota ac monachi ibidem Deo servientes habeant et teneant
potenter et expletent ac possideant pacifice et quiete et sine contradictione
nostra aliqua vel alicuius alterius sicut in car-/-tis originalibus donacionum
et permutacionum predictorum predecessorum nostrorum melius et plenius
continetur, et sicut hereditates et alia omnia predicta et singula iuste tenentur
et possidentur ab abbate et conventu predictis et prout ex eis hactenus
usque modo usi sunt, salvis nobis et vestris retencionibus supradictis
conscriptis in cartis seu privilegiis memoratis. / Volentes insuper dictum
monasterium et abbatem ac monachos eiusdem gratia prosequi ampliori et
erga eos favorabiliter et liberaliter nos habere, per nos et nostros restituimus
eis de gratia ac etiam de novo concedimus eis et eorum successoribus
in dicto monasterio quod non obstante amissione predicti privilegii quod
super eo iam habuisse dixerunt, omnes homines / presentes et futuri qui
ad eos pertinent et qui eis subiciuntur et permanent in eorumdem domibus,
sint liberi et franchi ab omni hoste et cavalcata et honere; sic quod non
teneantur nobis vel nostris successoribus facere hostem vel cavalcatam nec
aliquid solvere racione peyte. Item restituimus ac etiam de novo concedimus
quo ad monasterium / tantum et bona ac res suas proprias, concessionem
eis factam cum alio privilegio, quod iam similiter habuisse et
amissum fuisse aseruerunt, de lezda vel pedatico aut aliquo ussatico per
eos non solvendis si concessione ipsa dictum monasterium usum est et
prout nunc est in possessione franquitatis eiusdem. In hac tamen concessione
ac restitucione lezde / pedatici et usatici non intendimus hominibus
dicti monasterii vel vassalis suis aut bonis eorum aliquid concedere seu
restituere, nec in ea ipsos intelligi volumus, sed dictum monasterium et
bona ac res suas proprias tantum; immo ad contributionem eorumdem
teneantur prout nunc ea contribuunt atque solvunt. Mandamus igitur per
presens privilegium nostrum / procuratoribus, supraiunctariis, çalmedinis,
baiulis, merinis, vicariis, justiciis, iuratis et aliis universis et singulis officialibus
et subditis nostris presentibus et futuris quod hanc laudacionem,
approbacionem, confirmacionem, restitucionem et concessionem nostram
firmam habeant et observent et faciant inviolabiliter observari et non contraveniant
nec aliquem / contravenire permittant aliqua ratione.
398 CHJZ-31-32