Cuadernos de Historia Jerónimo Zurita, 31-32

Concepción Contel Barea
vando quidquid dictus justicia dixerit seu mandaverit super dictis iniuriis
et percussionibus et invasione et fractioni dicti manssi et termini de Scatron
vel ratione earum, et de / pena solvenda si acciderit. Et dictus abbas
rogavit dictum justiciam quod ipse vellet assumere dictum compromissum
in se sub forma predicta, et pronuntiaret super predictis ut arbiter arbitrator
seu amicabilis compositor pro eo quia dominus rex scripsserat sibi
per suas litteras quod faceret compositionem cum Hospitalariis de causa
predicta; quarum literarum tenor / talis est:
«Jacobus, Dei gratia, rex Aragonum... Barchinona, XVII kalendas maii,
anno Domini millesimo CCC nono» [Barcelona, 1309.15.IV; cfr. doc. 155].
Si-/-militer dictus ffrater Lupus Eximini et dictus Dominicus Scatron
rogaverunt dictum justiciam quod ipse vellet recipere dictum compromissum
et pronunciare super premissis ut arbiter arbitrator et amicabilis conpositor.
Tenoris vero procurationum ffratris Eximini de Albalato cellararii maioris
et procuratoris monachorum monasterii Rotensi predicti et ffratris Lupi
Eximini / de Livranis comendatoris Sancti Petri de Calanda et domus
Calataiubi procuratoris castellani Emposthe ordinis Hospitalis Sancti Johannis
Jherosolimi antedicti tales sunt:
«A todos sia manifiesto como nos don fray Xemeno... mi signo acostumpnado
hi ficie en testimonio de verdat» [Rueda, 1308.6.I; cfr. doc. 154].
«Noverint universi quod nos frater Petrus de Solerio... qui hoc scripsit
die et anno prenotatis» [Tortosa, 1309.25.VI; cfr. doc. 156].
Acta fuerunt hec apud Cesaraugustam VIIº kalendas octobris, anno
Domini millesimo CCC° nono; presentibus testibus ad hoc specialiter nominatis
dompno Johanne de Abbatia et dompno Garssia de Casvis jurisperitis
Cesarauguste.
Et dictus justicia Aragonum visa et intellecta littera domini regis / predicta
qua continetur quod placet domino rege quod avinencia seu concordia
fieret inter ipsum abbatem et monachos monasterii Rotenssis et homines
suos ex una parte et dictos Hospitalarios et homines suos predictos ex
altera super predictis iniuriis, invasione mansi et percussionibus, ad preces
omnium predictorum recepit in se dictum compromissum super omnibus /
premissis, ac etiam concambio antedicto sub modo et forma predictis in
tenore eiusdem conpromissi contentis. Et eadem die presentibus predictis
dompno Eximino abbate et dompno ffratre Eximino de Albalato cellarario
maiore et procuratore monachorum conventus Rotenssis predicti ex una
parte, et dompno ffratre Eximini de Livranis comen-/-datore et procuratore
iam dicto et Dominico Scatron procuratore universsitatis hominum loci
Sancti Petri et Petri Deçplan predictorum, presente etiam dompno ffratre
Arnaldo de Solerio comendatore de Casp tenente locum castellani predicti,
processit ad pronunciacionem in hunc modum:
«Nos Eximinus Petri de Salanova justicia Aragonum arbiter ar-/-bitrator
seu amicabilis compositor, visa dicta petitione proposita coram nobis super
invasione et fractione manssi vocati de Penna Roy.a et super iniuriis et
percussionibus illatis predictis monachis ibidem et responssione sequta,
visis etiam atestationibus testium productorum per partem dicti abbatis
et conventus, et visis etiam omnibus que hinc inde coram nobis in judicio
proposita / extiterunt, ut in processu coram nobis super premissis habito
plenius continentur, omnibus plene discussis et diligenter intellectis, habito
diligenti tractatu et comunicato consilio sapientium, habendo pre oculis
solum Deum: quia constat nobis per conffessionem Dominici de Scatron
procuratoris dicte universsitatis, justiciam et juratos cum quibusdam aliis
410 CHJZ-31-32