Cuadernos de Historia Jerónimo Zurita, 31-32

Concepción Contel Barea
Hec etiam idem tutor ipsum vendere posset nisi actoritas judicis interveniret,
petiit quod dictus justicia Aragonum daret sibi auctoritatem vendendi
hereditamentum predictum ut de precio ipsius possit satisfacere creditoribus
antedictis in dictis debitis et obligationibus.
Et dictus justicia interrogavit dictos tutores dicte Sancie Luppi, et procuratorem
dicte dompne Sancie Garcesii Çapata matris ipsius, si habebant
aliquas rationes propter quas dicta debita et obligationes solvi non deberent.
Qui dixerunt quod non. Et dictus justicia interrogavit eos dum si pars vel
medietas ipsius hereditamenti sufficeret ad solutionem dictorum debitorum
et obligationum, vel si erant alia bona que fuissent dicti dompni Martini
Luppi que magis sine dampno dicte pupille possent vendi. Et idem tutor
et procurator dixerunt quod si pars vel medietas dicti hereditamenti venderetur
non sufficeret ad solutionem dictorum debitorum et obligationum,
quia si particulariter venderentur hereditates ipsius non inveniretur tantum
precium quemadmodum et invenitur modo cum venditur totum. Et inveniuntur
pro precio ipsius decem milia solidorum Jachensium quos in eodem
ut asseruerunt offerebat et dabat venerabilis dompnus Eximinus abbas
Rotensis, ut nullus alius inveniebatur qui plus daret, et erat magis utile
dicte pupille quod venderetur totum si pars ipsius venderetur racionibus
supradictis, hec erant alia bona que ipse scire que ad predicta sufficerent
que magis sine dampno dicte pupille possent vendi.
Et dictus justicia visis instrumentis dictorum debitorum et obligationum
in quibus dompnus Martinus Luppi predictus creditoribus supranominatis
tenebatur et intellectis diligenter hiis que proposita fuerunt per dictos
tutorem et procuratorem, dedit auctoritatem suam dicto tutori pro predicto
hereditamento vendendo ut sequitur:
«Unde nos Eximinus Petri de Salanova justicia Aragonum predictus,
visis omnibus premissis et diligenter intellectis, habito diligenti tractatu
sapientium super predictis, damus et concedimus vobis Eximino Guerguet
tutori dicte Sancie Luppi predicte, licenciam vendendi dictum hereditamentum
de Codo dicto abbati et conventui de Roda ut plus offerenti, et eidem
venditioni auctoritatem impendimus et decretum, ut ex precio predicto
satisfaciatis dictis creditoribus dicti dompni Martini Luppi de Ricla et aliis
si qui apposuerint; et ipsis satisfectis de et quod superfuerit de dicto precio
hereditamenti de Codo predicti, ematis possesiones ad opus pupille predicte
vel melioretis justo modo ad utilitatem dicte pupille ut fuerit faciendum.»
Actum fuit hoc loco, die et anno prefixis, presentibus testibus ad hoc
specialiter nominatis dompno Sancio Eximini de Ayerbe jurisperito et Luppo
Guallyardi notario generali vicinis Cesarauguste.
Ego Martinus de Rueda scriptor publicus curie venerabilis justicie Aragonum
antedicti et auctoritate regia notarius publicus per totum regnum,
predictis interfui et hoc scribi feci cum raso et emendato in quarta linea
ubi dicitur «Sibilia filia» et in XIX linea ubi dicitur «cum haberet unde
satisfaceret dictis creditoribus nisi de bonis que fuerunt dicti Martini Luppi
vendantur et specialiter dictum hereditamentum» et in XX linea ubi dicitur
«et dictus justicia interrogavit dictos» et in XXV ubi dicitur «unde nos»;
et sigillo appendicio dicti justicie sigillavi et in testimonium premissorum
meum assuetum apposui sig (+) num.
426 CHJZ-31-32