Cuadernos de Historia Jerónimo Zurita, 31-32

Concepción Contel Barea
126
1272, 8 ENERO SÁSTAGO
Blasco de Alagón otorga testamento y deja alguna manda a Santa María
de Rueda.
— M. AHN, Copia notarial de 1275, de Juan Pérez de Alcañiz,
585 x 395 mm.
Quoniam nullus in carne positus propter precium primi peccati mortem
evadere potest, ideo, in Dei nomine, ego Velascus de Alagone sanus et incolumens
in mea memoria constitutus, timens penas inferni cupiensque ad
paradysi gaudia pervenire, de voluntate et assensu dompne Jusiane Eximeni
uxoris mee, condo meum testamentum ad lites et questiones super bonis
meis suboriri possent in posterum depellenda se ut igitur bona mea semper
habeantur in expedito soluti anime mee prospiciens, sic ordino et dispono
de rebus meis et exprimo meam ultimam voluntatem quam in perpetuum
sic teneri mando ac inviolabiliter observari sicut inferius continetur. Primitus
igitur fero me ipsum corpore et spiritu domino Deo et matris eius, eligens
mihi sepulchrum in cimiterio fratrum Calatravensium apud Alcanicium,
quibus fratribus dimitto equum et arma mea. Et accipio pro anima mea et
pro solutione debitorum et satisfactione iniuriarum mearum legata infrascripta.
In primis volo et mando quod querimonie de me vivente secundum
veritatem et iniurie quas feci et debita que debeo persolvantur et restituantur
de bonis meis prout constant potenter per instrumenta vel legitima documenta,
cognitione et iudicio manumissorum seu executorum meorum
inferius positorum. Specialiter volo et mando quod solvantur Dominico de
Setzeta vel heredibus eius ducentos solidos Iaccenses; item Dominico Martini
Azagra centum septuaginta solidos regalium Valencie; item Roderico
Martini de Azagra de octuaginta usque ad centum solidos Iaccensium de
quibus credatur suo verbo plenus; item Martino de Hayn mille solidos Iaccensium;
item Aznario Eximini de Hayn quatuorcentum solidos Iachensium.
Hec supradicta debita et super alia secundum veritatem reperta fuerint
volo quod de bonis meis plenarie persolvantur. Item volo et mando quod
spondalarii mei subscripti satisfaciant pro iniuriis meis plenarie et specialiter
restituant filio Garsie Lupi del Castellarium pro anima sua detur centum
quadraginta solidos Iachensium. Item debitum pro quo est fideiussor et
debitor Martinus de Hayn, Petri Ferrandi de Pina persolvatur eidem, lta
quod dictus Martinus de Hayn non sustineat inde dampnum; tamen sciant
spondalarii mei quod dictus Sancius Ferrandi debet michi trescentos quadraginta
solidos Iachensium pro his et aliis iniuriis meis: satisfaciant spondalari
mei subscripti secundum quod eas in veritate poterunt invenire.
Item lego et dimitto pro Deo et anima mea monachis de Roda pro pitanciis
centum aureos alfonsinos; etiam dimitto eisdem monachis Rote quatrocentos
morabetinos alfonsinos propter multa dampna que intuli eis et
suo monasterio. Item dimitto et dono fratribus de ordine Minorum Cesaraugusta
conmorantibus pro Deo et anima mea centum aureos alfonsinos
ita videlicet quinquaginta pro indumentis, et alios quinquaginta pro pitan
ciis. Item dimitto eisdem fratribus ducentos morabetinos alfonsinos ad construendam
unam cappellam ad honorem beati Francisci in eorum ecclesia.
372 CHJZ-31-32