Cuadernos de Historia Jerónimo Zurita, 31-32

Concepción Contel Barea
97
1245, 10 NOVIEMBRE LYON
Inocencio IV comunica a la jerarquia eclesiástica que el abad del Císter
se queja de que pese a la inmunidad judicial concedida por la Santa
Sede a la orden, se dictan excomuniones, suspensiones e interdictos contra
ella y se le obliga a comparecer en tribunales y aceptar sus sentencias,
y ruegales respeto a la inmunidad del Císter para evitar a la Santa
Sede tomar otras providencias.
— M. AHN, Copia auténtica de 1318 ante curia arzobispal de Zaragoza,
con sello pendiente.
— Z. FD, fol. 114 (cita).
Innocencius episcopus, servus servorum Dei venerabilibus fratribus archiepiscopis
et episcopis ac dilectis filiis archidiaconis, prepositis, prioribus,
archipresbiteris, officialibus et aliis ecclesiarum prelatis ad quos iste littere
pervenerint, salutem et apostolicam benedictionem. Dilecti filii abbas
Cistercii eiusque coabbates et conventus universi Cisterciensis ordinis, suam
ad nos querimoniam destinarunt quod, licet eis a sede apostolica sit indultum
ut a conventibus forensibus sicut inmunes nullique liceat in eos vel
eorum monasterio seu confratres inibi conmorantes excomunicationis, suspensionis,
interdicti, contra id quod ab origine ordinis observatum fuisse
dignoscitur, sententias promulgare; que si promulgate fuerit, decernuntur
per huiusmodi indulgentiam irrite ac inanes. Vos tamen, eorum quieti et
libertatibus, de quo miramur non modicum, invidentes ac malientes infringere
indulgentiam suppradictam in eos, contra indultum huiusmodi de
facto predictas sentencias promulgatis. Quos ut fatigetis laboribus et expensis
interdum ad forenses conventus accedere, quandoque sententiarum vestrarum
exsequtiones, quacumque sint auctoritate prolate, suscipere invitos
compellitis pro vestre arbitrio voluntatis, quamquam ex generali quod suscepisse
dicimini, apostolice sedis mandato, teneamini eosdem in suis libertatibus
et privilegiis, contra pravorum pressuras et molestias deffensore,
sicque fit ut indulgentia concessa eis, causa solacii et quietis, sit ipsis vobis
contra ipsam quasi conspirantibus causa dispendii et laboris. Cum igitur
sicut in lege dicitur parum sit in civitate ius esse nisi qui illud teneatur
existat, dignumque ac conveniens videatur ut indulgentie ac privilegia que
devotis et bene meritis indulgentur contra presumptorum audatiam cum
expedit deffendantur, universitatem vestram rogamus, monemus et ortamur
atente per apostolica vobis scripta in virtute obedientie districte precipiendo;
mandantes quatinus privilegia, indulgentias et libertates eisdem ab
apostolica sede concessa ac eorum consuetudines racionabiles et antiquas,
firmas et illibatas eis, de cetero per apostolice sedis et nostra reverentia
observantes, ab eorum super premisis coactiones et molestia penitus quiescatis,
ita quod ipsis concesa eis valeant tranquillitate gaudere, ac super hoc
per sedem eamdem non opporteat aliter provideri.
Datum Lugduni IIIIº idus novembris, pontifficatus nostri anno tertio.
346 CHJZ - 31-32