Create successful ePaper yourself
Turn your PDF publications into a flip-book with our unique Google optimized e-Paper software.
Ti FamilySearch maysa a sistema ti kompiuter) a mangted kadagiti tao iti gundaway nga<br />
agsapul iti pakaammuan maipanggep kadagiti kapuonanda sada ipatulod dagiti nagan iti<br />
templo. No maimakinilia ti nagan ti kapuonan iti kompiuter, sapulen a dagus ti Familyuu<br />
Search kadagiti riniwriw a nagan iti dulin ti kompiuterna, a mangsapul kadagiti nagan a<br />
mainugot. Iwanwanna ti tao kadagiti nagan iti sangabukel nga iskrin ti pakaammuan, kas<br />
kadagiti petsa ken lugar a nakayanakan, kallaysa, ken ipapatay; ken nagan dagiti<br />
dadakkel, annak, ken assawa.<br />
Ti pakaammuan iti FamilySearch agtaud kadagiti pagtuntonan a kas iti pakasaritaan ti<br />
kaamaan, rekord ti simbaan, ken rekord ti gobierno.<br />
Naglaon ti FamilySearch iti sumagmamano a dulin ti pakaammuan. Ancestral FileTM ti<br />
maysa kadagiti kapatgan kadagiti agtutubo. Linaon daytoy a dulin ti pakaammuan iti<br />
pakasaritaan ti kaamaan nga inted dagiti kameng ti Simbaan ken dadduma pay iti intero<br />
a lubong manipud idi 1979. Naglaon kadagiti nagan ti riniwriw a tao a mainaig kadagiti<br />
grupo ti kaamaan ken kapuonan.<br />
Palagip: Mabalin nga iladawan ti mamagbaga kadagiti agtutubo a babbai ti kinapateg ti<br />
panangted dagiti tao ti pakaammuan iti pakasaritaan ti kaamaanda babaen ti<br />
panangingatona iti “libro a pakalaglagipan” a napno iti tsart ti kapuonan ken rekord ti<br />
grupo ti kaamaan. Mabalin nga ilawlawag ti mamagbaga a napateg unay ti pakaammo a<br />
linaon ti libro, ngem iti daytoy naisurat a porma napateg iti sumagmamano laeng a tao.<br />
Nupay kasta, babaen ti panangyakar iti daytoy a pakaammuan iti porma ti kompiuter<br />
(babaen ti panangaramat iti Personal ancetral File a programa ti kompiuter), mabalin nga<br />
iraman iti Ancestral File, a pakairanudan ti adu iti daytoy.<br />
Nasken pay nga ilawlawag ti mamagbaga a saan a kompleto ti Ancestral File. Adu ti<br />
pakaammona, ngem ad-adu pay ti mabalin nga inayon—a pakairamanan ti pakaammo a<br />
mabalin nga adda kadagiti agtutubo a babbai maipanggep kadagiti bukodda a kapuonan.<br />
Kasta met nga iraman ti Ancestral File ti nagan ken adres dagiti tao a nangted iti<br />
pakaammo iti daytoy. Mabalin a maduktalan dagiti agtutubo a babbai dagiti kasinsin ken<br />
kabagian a dida pay nakitkita.<br />
Tapno ad-adda a matulongan dagiti agtutubo a babbai a mangawat iti kinapateg ti<br />
FamilySearch, mabalin nga ilawlawag ti mamagbaga a no awan ti kompiuter nasken pay<br />
nga agsapulda iti rinulrolio a pelikula ken panid dagiti libro a pangsapulanda iti<br />
pakaammuanda kadagiti kapuonanda. Kadagiti adun a nakaaramid iti daytoy, adu nga<br />
oras ti rinaritda iti panagtrabahoda. Sumagmamano laeng a minuto ti maaramat iti kastoy<br />
nga aramid babaen ti kompiuter.<br />
Pasanay kadagiti agtutubo a babbai a mangaramat iti FamilySearch a mangsapul iti<br />
pakaammuan maipanggep kadagiti kapuonanda. No awan ti masarakanda a kapuonanda<br />
iti Ancestral File, ipalagip kadakuada a makatulongda iti dakkel babaen ti<br />
panangpennekda a nakaitedda iti dulin iti pakaammuan maipanggep kadagiti<br />
kapuonanda.<br />
Bayat ti panangaramat dagiti agtutubo a babbai iti FamilySearch, nasken nga imalditda ti<br />
pakaammuan a masarakanda. Iti Ancestral File, mabalinda nga imaldit ti tsart ti<br />
kapuonan.<br />
Kalpasan a naikkan amin dagiti agtutubo a babbai iti gundaway a mangaramat iti<br />
FamilySearch, sublien nga adalen ti naaramidda. Kariten ida a mangituloy nga agsapul iti<br />
pakaammuan maipanggep kadagiti kapuonanda ken mangted iti pakaammuan iti<br />
Ancestral file.<br />
Aramid kalpasanna Mabalin nga adda dagiti kaamaan iti purok nga adu ti urnongna a pakaammuan iti<br />
pakasaritaan ti kaamaan a naimaldit (dagiti libro a pakalaglagipan). Makatulong dagiti<br />
agtutubo a babbai babaen ti panangikompiuterda iti pakaammuan ken tumulong kadagiti<br />
kameng a mangted iti Ancestral File. Tapno maaramid daytoy, nasken ti umdas a bilang ti<br />
bukod a kompiuter nga addaan iti Personal Ancestral File. Mabalin a tarabayen ti<br />
pagdamdamagan iti pakasaritaan ti kaamaan iti purok dagiti dadaulo ti agtutubo a babbai<br />
iti panangisagana iti kasta a proyekto ti serbisio.<br />
90
Change language