Agtutubo a Babbai 1

programa a maipabpabuya ita iti telebision, a pakairamanan ti nagsasanga a telebision”
(iti Conference Report, Oct. 1976, p. 6; wenno Ensign, Nov. 1976, p. 6).
Naadaw a sao Imballaag pay ni Presidente Kimball ti maipanggep iti kinadakes ti pornograpia a
masarakan iti ania man ti kitana a nakasaknap a warnakan: “Adda pakainaigan ti
pornograpia iti . . . kinadakes. . . .
Nakakatkatawa nga ipapan nga awan ti pangaring ti pornograpia. Adda nalawag a
pakainaiganna iti krimen. Pammapatay, panagtakaw, panagrames, panagbalangkantis,
ken mailaklako a bisio ti maisubsubo iti daytoy a kinarugit ti dayaw. Kasla ipasimudaag ti
estadistika ti krimen iti seks ti pagkanaigan ti krimen ken pornograpia” (iti Conference
Report, Oct. 1974, p. 7; wenno iti Ensign, Nov. 1974, p. 7).
Panaglilinnawag Paited kadagiti agtutubo a babbai ti pagarigan a pabuya wenno anunsio, kdpy., a
maipaspasango kadakuada iti inaldaw ket ibagada no kasano nga aringan dagitoy dagiti
pilida nga aramiden maipanggep iti isuotda a lupot, dagiti produkto nga aramatenda,
paglinglingayan, ken dadduma pay a wagas a pagpalabsanda iti oras ken kuarta. Tulongan
dagiti babbalasitang a makakita no kasano ti kinabileg ti pangaring ti warnakan iti biagda.
Paglilinnawagan dagiti di nasayaat a wagas ti warnakan a mangar-aring kadakuada.
Panangidatag ti
mannursuro
152
Ilawlawag a mabalin a ditayo madlaw a dagus ti bunga dagiti makaidagel a pangaring.
Mabalin nga in-inut a mapakapsuttayo a naespirituan ti bagbagitayo, iti inaldaw, linawas,
agingga a mabulsektayo iti kinapudno, a di makarikna iti Espiritu ti Apo, ket malapunos
kadagiti dakes a pangaring nga agbanag a basol.
Paskil Iparang ti umuna a dasig ti paskil wenno ikkaten ti abbong ti naisurat iti pisarra.
Naadaw a sao Inladawan ni Presidente Spencer W. Kimball no kasano a mapasamak daytoy
naespirituan nga ikakapsut:
“Allilawen ni Lucifer babaen ti nasairuan a balabalana dagiti di nasalukag ket aramatenna
amin a ramit a mabalinna. . . . Aramatenna ti [1] lohikana a pangulaw ken ti [2]
panagikalinteganna a pangdadael. [3] Lingdanna dagiti kaipapanan, [4] saggaysaenna a
luktan dagiti ridaw, ken [5] pagbalinenna dagiti katarnawan a puraw a nalitem agingga iti
kangisitan ti nangisit” (“President Kimball Speaks Out on Morality,” Ensign, Nov. 1980, p.
94; nainayon ti pannakanumero).
Panangipakita
(mabalin nga
aramiden no kayat)
Tapno maipakita no kasano nga in-inut nga aringandatayo dagiti ramit wenno wagas ni
Lucifer, ipakita ti sumaganad: itabnaw ti nalingta nga itlog (wenno puraw a lupot) iti
maminsan iti danum a naikkan iti pangtina iti taraon. Ipakita kadagiti agtutubo a babbai
no kasano ti pannakamarisna, uray apagapaman. Nalabit a narigat pay a madlaw idi
damo. Kalpasanna ikabil ti itlog iti namarisan a danum, a mamin-adu a buyatbuyatan ti
itlog. Ipakita kadagiti babbalasitang no kasano a pimmuskol ti maris ti ukis ti itlog tunggal
suyatanyo iti pagmaris iti taraon.
Panaglilinnawag • Kasano a mainaig daytoy nga eksperimento iti pannakaisangotayo iti makaidagel a
pangaring ti warnakan? Kasano a maaringankayo ti uray no maminsan laeng a
panagbuyayo iti di nasayaat a pelikula wenno programa iti telebision? Sadino ti
pangiturongan kadakayo ti kasta nga agtultuloy a pannakaipasango?
Panangidatag ti
mannursuro
Ilawlawag a mariknatayo no dadduma a dayta makaidagel a warnakan dinatayo aringan
a mismo a kas iti ad-adda a panangaringna kadagiti adda iti aglawlawtayo. Kinapudnona,
nalabit a ditayo la madlaw ti saan a nasayaat a bungana agingga a kasla narigaten nga
ikkaten pay ida.
Naadaw a sao “Insurat ni naindaklan a propeta a ni Mormon ken ni Moroni a barona idi a buybuyaenna
dagiti napasag a taona, iti nadagsen a pammabasol idi kinunana a gapu iti kinatiri nga
‘awanan iti panagrikna’ dagiti taona. (Kitaen ti Moro. 9:20.) Nakaam-ames ti makagteng iti
punto a nasken nga umikay ti Espiritu, ket ditayo madlaw wenno marikna ti umno
manipud iti biddut” (Marvin J. Ashton, iti Conference Report, Oct. 1977, p. 109; wenno iti
Ensign, Nov. 1977, p. 72).
Panaglilinnawag • Ania ti kayat sawen ti awanan iti panagrikna a mainaig iti linaon ti di nasayaat a
warnakan? Kasano ti pannakairuamtayo a maaddaan kadagitoy a pangaring iti
aglawlawtayo a pakalipatantayo iti pangngeddengtayo maipanggep iti no ania ti
makaidagel ken no ania ti saan? Kasano ti kapateg dagiti nalinteg a pagrukodan iti
panangikeddeng no ania ti nasken a kitaen, denggen, ken basaentayo?